تويت
[frame="1 98"][motr]تحية من القلب أهديها
لوالدى العزيز
باللهجة الصعيديه[/motr][/frame]
بالعربى كدة ناوى
لوالدى العزيز
باللهجة الصعيديه[/motr][/frame]
بالعربى كدة ناوى
من صغرى وانا غاوى
أكتب بايدى واخُط
أجمل حكاياتى
من جَبْل شنبى يخُط
وانا عاشِج حكاياتى
وبكل لحظاتها
هحهكيها وياكم
نِعرِف كلام الأب
وربى حيّاكُم
....
جاعد ف يوم فى الدار
بعد العصارى..
ويا كبيرى أبوى
واسمه
(الحاج عشاوى)
جَاعديِن بنتونس
وحكىَ لنا احلى حكاوى
جلسة محبة وشوج
[motr]فى المُنضرا الخَضَرا[/motr]
حكى معانا كتير
عن حِلمنا ف بُكرة
جَالّى ياولدى تعالى
جَرِب هنا اسمعنى
بدى ياولدى أحكيك
بِدى ياولدى أهديك
وأحكيك بصوت الزمن
بدى أنا أرسّيك
والله ياولدى
خايف لييجى اليوم
وتجول لى أنا هشكيك
جَبْل اللى دار بينّا
عاوز أجُول كلمة
جالوا زمان الناس
إللى مالهش كبير
لازم يجيب له كبير
وأنا كبيرى الحج
وأشيله فُوج الراس
ابوى الحاج هو ...
صاحب الأخلاج
لا عمره عَزّ جنيه
على راجل يكون محتاج
وإن جُلت أعد جَمايله
مايكَفّى مِييييييييييتْ كراس
هو إبن البلد والطيبة
ساكن بلاد السد
جوة التراب طيبة
ورجولة وجت الجد
وكلامه له هيبة
بلدى أنا أسوان
وأفخر أكون منها
بلد المحبة بكرم
وطينها زينها
أفخر أنا بسمارى
وبياضى جوة الجَلب
دارك تكون دارى
إكرم ياولدى بحُب
علمنا كيف الأدب
ويا جموع الناس
من شيخ نعامله بأدب
ليتيم نكون له مداس
علمنا كيف الصبر
لما ندوج المحن
علمنا كيف الحر
يقدر يجارى الزمن
علمنى اجول الحق
لو ع الرجَااااااب سيوف
علمنا كيف نتسابِج
وننصُر الملهوف
جالّى الشهامة ياولدى
لازم تكون شيمة
ياما الرجال اكوام
لكن بدون جِيمة
حبك ياولدى لوطنك
اوعاك ف يوم تنساه
دا اللى هينسى الوطن
يفجِد كرامته معاه
إوعاك ياولدى تهون
ولا مرة يوم بتخون
دة الظلم مهما انتشر
فوجِينا رب الكون
اوعى ف يوم على الخلج
تكبر وتتكبر
هتعيش فى ضِيِجِة نفس
وزيادة تتدمر
دة الكبر آفة خَلْج
فى العيشة بتمرر
ياولدى حِب اخواتك
خليك حبيب ليهم
حِب الجُلوب بالخير
خليك أمان ليهم
وان حد كان عطشان
مد اليَديِن اسجِيِهم
انسى كلام الناس
اللى يِهِد عزيمتك
خليه ياولدى مداس
تعلى عليه جِيِمتَك
آخر كلامى ياولدى
خليك جَريب لله
هو طَريِج الخير
تمشى فى نور وياه
إوعاك ياولدى ف يوم
تنسى الصَلا لله
ياولدى فخر الجُوم
هى الصِلا بالله
[frame="1 98"][motr]وعجبى ........[/motr][/frame]
وداعاً أبى الغالى
وداعاً يا من كتبت هذه السطور من أجله
والله إن العين لتدمع وإن القلب ليحزن وإنا على فراقك يا أبانا لمحزونون ولا نقول إلا مايرضى ربنا
لله ما أخذ وله ما أعطى وكل شىء عنده بمقدار
وإنا لله وإنا إليه راجعون
توفى يوم الأحد الموافق 13/5/2012
وداعاً أبى الغالى
وداعاً يا من كتبت هذه السطور من أجله
والله إن العين لتدمع وإن القلب ليحزن وإنا على فراقك يا أبانا لمحزونون ولا نقول إلا مايرضى ربنا
لله ما أخذ وله ما أعطى وكل شىء عنده بمقدار
وإنا لله وإنا إليه راجعون
توفى يوم الأحد الموافق 13/5/2012
تعليق