لحظة خلاص
( متفاعلن .. متفاعلن )
-------------

مستني إيه

متقوم يا بيه

شارك وده الواجب عليك

قوم هز طولك وانتفض

وافرك إديك

حانت خلاص لحظة خلاص

جيّ الرئيس وده كان أساس

أمرك وأصبح بين إديك

مين تاني رَحْ يفرض عليك

من يوم ورايح انتو أسياد القرار

وانتو اللي لازم ترسمو خط المسار

مش حد تاني يا شعبنا

هيكون زعمنا مننا

جبناه بكامل الاختيار

هنسعدو وإدينا فـْ إديه

بمشوره مش بحديد ونار

واللي مش رَحْ يعجبوا

واجب عليه الانصياع

لاحسن مفيش غير الضياع

والأغلبيه نص ميّه

تحط واحد

يبقى هوا الإختيار

فاهم يا بيه ؟!

متقوم بقى مستني إيه

راجع ضميرك وبإمانك صحصحو

علّم بإيدك عـَ اللي قلبك رشحو

حانت خلاص لحظة خلاص

جي الرئيس ودا كان أساس

------------------------------------

تمت بحمد الله ، والله من وراء القصد

داعين.. أن يبارك الله لكل المصريين
في عرسهم الرآسي

بقلم / محمد محمود محمد شعبان

مصر ـ الزقازيق ـ محافظة الشرقية ـ

23/ 5 / 2012