عادل عادل .. يااحمد باشا

حكمك عادل .. يا احمد باشا

بيه أنا قابل .. تحصيل حاصل

عارف إنك إنسان فاضل .. يا احمد باشا

خادم بيت العدل الكامل .. يا احمد باشا

لمْ اوراقك .. يا احمد باشا

مش هنمس تاريخك حاشا

واطو الصفحة .. ونِفْسك سَمْحة .. وسبني لهمي .. يا احمد باشا

بتقول ما في دليل معقول ؟!!

أمال عني مين مسئول ؟

عن حرماني ، وجوعي ومرضي .. مين مسئول ؟

عن تغريبي وانا فوق أرضي .. مين مسئول ؟

عن تهميشي واستبعادي .. مين مسئول ؟

تلاتين شتا حكم استبدادي .. مين مسئول ؟

بتقول ما في فـْ إدنا دليل ؟!! .. ما انا هو دليل

أتب الهم فـْ ضهري .. دليل

شِبْتي فـْ عز شبابي .. دليل

وأد احلامي بردو ..دليل

لساك عايز تاني .. دليل ؟!!

والتحرير مَيْكفَي دليل ؟!!

شكرا يااحمد باشا لجهدك

والتأريخ هيسجل حكمك

وانا راح ارجع حقي بإيدي

أصل الثورة جوا وريدي

ومخلصتشي يااحمد باشا !!

ومخلصتشي يا احمد باشا !!

---------------------

تمت بحمد الله والله من وراء القصد

محمد محمود محمد شعبان

مصر ـ الزقازيق ـ محافظة الشرقية

حمادة الشاعر