تويت
سر السعادة
بينى وبين السعادة تقول اميال
وحيطان وسدودويمكن تقوللى جبال
والله الخطاوى ما تسعف تاخدنى هناك
عاجز انا بمشيتى فى اضيق الأحوال
لكن من حقى احلم والحلم مش عيب
تطوينى لمحة امل من عالم الغيب
يمكن حمولى تخف تتشال عن اكتافى
تظلمنى لي يا زمن قبل الاوان بالشيب
مابين جموع البشر يا حزن تختارنى
الريح بتكسر شجر وانت بتكسرنى
حاولت اعاند معاك والعند مش طبعى
وما حد شاف دمعتى وانت بتقدرنى
سر السعادة الاقى ناس تهوانى
شوفت العذاب اهوال وانت يازمن جانى
مكتوب مقدر ورضينا بيك غصب
يمكن فى يوم يا زمن تجمعنا بيك تانى
سر السعادة تمشى فى طريقك عدل
وقبلنا قالوا امشى عدل تنعدل
تلقى الخير يجرى ما بين ايدك
وعملك عند رب العباد يتقبل
ياعمرى اللى عدى بدون ابتسام
وعهدك عليا اعمللك مقام
وازورك لوحدى واقيدلك شموع
وانزف بدمى بمر الكلام
يا عالم بحالى يارب العباد
تفرج همومى ومن غير ميعاد
وهادعى فى صلاتى وسكاتى واقول
يارازق عبيدك فى كل البلاد
كلمات(ممدوح احمد بدوى)
الشرقية -فاقوس- النوافعة- الرفاعيين
مصر
تعليق