تويت
دوري دوري يا لمونة-(شعر عامي مصري)
[frame="13 98"]
آه يا لموني يا لموني يا لموني
آه يا لمون صابح متنقي
اتفضل يا عم اتفرج
على عينك اختار واوزنلك
اجبر بقى يا رب الخاطر
***********
الغيم ليه قاعد متكتف
ولا نقطة بتندي علينا؟
افرجها يارب اسقينا
وادينا على قد قلوبنا
أصلها ذي البفته البيضا
وضميرنا طاهر متوضي
صلوا جماعة وافتكروني
************
ليه يا لمون تايه مش عارف
تفضل فوق الشجرة مكانك
ولا هتدبل من غير شاري ؟!
وصفوك الُحُكما للعاشق
لما يدوب من نظرة كحيلة
والبردان اسقوه لموناته
آه يا لمون صابر متعافي
متغطى بضلوعك حافي
وقنوع باللي جوا جيوبك
لا بتحسد منجا ولا توته
صابر ع المر ومستحمل
وبتشكر ربك وف سرك
تدعي للفلاح الساهر
واقف يسقي ف عز الليل
لا همه شتا يجي ولا صيف
دايما إيده ساقيه بتروي
والإيد التانيه محرات
ذيو ذي النيل الحارس
دايما ماشي بطول الأرض
عمره م شاخ ولا وقّف مره
إيدو ممدوده لكل عياله
**************
آه يا لمون يا صديق وساترني
بعت م بعتش فاضل جنبي
أرجع آخر اليوم وانا شاكر
وأمص لمونه تفوقني
وأقّسّط همي على كتافي
وأقول : أنا قدها وقدود
واحضن أولادي مستبشر
وأقول يمكن بكره هتفرج
**************
ذي م ربنا خلف الضلمه
خلف الديك واداله الحكمه
قله إمتى يأذن بدري
بظبط ف معاد الفجر
**************
لأ يا لمون م تلموش دموعي
لما تفرِِن غصبن عني
أصل طبيعي الدم يحن
والضفر م يطلع م اللحم
واللي راحوا خدوا من روحي
خدوا من صوتي
صحوا جروحي
*************
العيان بكره هيتعافي
لو يا لمون تتعلم تبعد
تمسح عدساتك من دمعك
تطلع فوق الشجرة تركز
وصحيح المشهد متغبش ,
عايز رشة نور وهيوضح
اختر كدرك يلا وصوّر
دا مسير العيل راح يكبر
والإيد الخضرا هتعمر
والإيد الساكته هتتحجر
************
الحركة بركه يا لمونه
ياما لعبنا لعبة دوري
لفينا حولين بعضينا
وكسرنا خوفنا وجرينا
وصرخنا ف وش السلعوه
ولا همنا ديب ولا ّعوّا
******************
آه يا لمونه ولإمتى تخافي ؟
أبو رجل مسلوخه خيال
( والغولة واقفة بطول السلم )
لعب عيال
يا لمون صهلل واديني ودنك
فتح عينك تاكل ملبن
اللي نظره ضعيف على قده
مش هيحلي أبدا بقه
فتح مخك تاكل ملبن
ذي م ايدك تقدر تزرع
تعرف تحصد
إياك تختار تبقى الأخرس
ولا الأعمى ولا مطنش
كل الأدوار دي مش ليك
العمر ابتدا لحظة جيت
إوعى تنسى دم اخواتك
ولا دمع أمك ,أبوك
*************
فتّح صدرك للي بينصح
إياك تقطع حبل حبيب
ميز صنِّف بين أحبابك
مين الأصلي ومين براني ؟!
إوعى يا غالي تبقى أناني
جاهد نفسك تبقى مثالي
حلي حياتك مرة بضحكه
مرة بلعبه
أيوه فكرها لعبة دوري
يلا تعال العبها معايا
دوري دوري يا لمونه
دوري دوري يا لمونه
فركش ,,,
___________
نهى رجب محمد
ريشة المطر
16 / 2 / 2012
[/frame]
آه يا لمون صابح متنقي
اتفضل يا عم اتفرج
على عينك اختار واوزنلك
اجبر بقى يا رب الخاطر
***********
الغيم ليه قاعد متكتف
ولا نقطة بتندي علينا؟
افرجها يارب اسقينا
وادينا على قد قلوبنا
أصلها ذي البفته البيضا
وضميرنا طاهر متوضي
صلوا جماعة وافتكروني
************
ليه يا لمون تايه مش عارف
تفضل فوق الشجرة مكانك
ولا هتدبل من غير شاري ؟!
وصفوك الُحُكما للعاشق
لما يدوب من نظرة كحيلة
والبردان اسقوه لموناته
آه يا لمون صابر متعافي
متغطى بضلوعك حافي
وقنوع باللي جوا جيوبك
لا بتحسد منجا ولا توته
صابر ع المر ومستحمل
وبتشكر ربك وف سرك
تدعي للفلاح الساهر
واقف يسقي ف عز الليل
لا همه شتا يجي ولا صيف
دايما إيده ساقيه بتروي
والإيد التانيه محرات
ذيو ذي النيل الحارس
دايما ماشي بطول الأرض
عمره م شاخ ولا وقّف مره
إيدو ممدوده لكل عياله
**************
آه يا لمون يا صديق وساترني
بعت م بعتش فاضل جنبي
أرجع آخر اليوم وانا شاكر
وأمص لمونه تفوقني
وأقّسّط همي على كتافي
وأقول : أنا قدها وقدود
واحضن أولادي مستبشر
وأقول يمكن بكره هتفرج
**************
ذي م ربنا خلف الضلمه
خلف الديك واداله الحكمه
قله إمتى يأذن بدري
بظبط ف معاد الفجر
**************
لأ يا لمون م تلموش دموعي
لما تفرِِن غصبن عني
أصل طبيعي الدم يحن
والضفر م يطلع م اللحم
واللي راحوا خدوا من روحي
خدوا من صوتي
صحوا جروحي
*************
العيان بكره هيتعافي
لو يا لمون تتعلم تبعد
تمسح عدساتك من دمعك
تطلع فوق الشجرة تركز
وصحيح المشهد متغبش ,
عايز رشة نور وهيوضح
اختر كدرك يلا وصوّر
دا مسير العيل راح يكبر
والإيد الخضرا هتعمر
والإيد الساكته هتتحجر
************
الحركة بركه يا لمونه
ياما لعبنا لعبة دوري
لفينا حولين بعضينا
وكسرنا خوفنا وجرينا
وصرخنا ف وش السلعوه
ولا همنا ديب ولا ّعوّا
******************
آه يا لمونه ولإمتى تخافي ؟
أبو رجل مسلوخه خيال
( والغولة واقفة بطول السلم )
لعب عيال
يا لمون صهلل واديني ودنك
فتح عينك تاكل ملبن
اللي نظره ضعيف على قده
مش هيحلي أبدا بقه
فتح مخك تاكل ملبن
ذي م ايدك تقدر تزرع
تعرف تحصد
إياك تختار تبقى الأخرس
ولا الأعمى ولا مطنش
كل الأدوار دي مش ليك
العمر ابتدا لحظة جيت
إوعى تنسى دم اخواتك
ولا دمع أمك ,أبوك
*************
فتّح صدرك للي بينصح
إياك تقطع حبل حبيب
ميز صنِّف بين أحبابك
مين الأصلي ومين براني ؟!
إوعى يا غالي تبقى أناني
جاهد نفسك تبقى مثالي
حلي حياتك مرة بضحكه
مرة بلعبه
أيوه فكرها لعبة دوري
يلا تعال العبها معايا
دوري دوري يا لمونه
دوري دوري يا لمونه
فركش ,,,
___________
نهى رجب محمد
ريشة المطر
16 / 2 / 2012
[/frame]
تعليق