تويت
عدت شهور وليالى
بعدنا عن الميدان
رمز العزة نادانى
أوعاك تكون جبان
رمزة الوحدة جمعنا
لما الخاين فرقنا
أوعاك يوم تنسى
ان القوة وحدتنا
رمز الكرامة اتزين
لرجال الشرف والنور
سابوا دفا بيوتهم
واشتروا مهور الحور
فى ميدانا كان صمتنا
زلزال لكل الكون
فى سجودنا كان عزنا
وذل للفرعون
فى تاريخنا من كام سنة
زيف فى كل كتاب
كتب شباب مصرنا
بالدم أغلى كتاب
رسم فيه حلمنا
ناجى فيه ربنا
للحق فتح الباب
وميدانا أصبح حرم
يشتاق للزوار
شامخ زى الهرم
ومنبره الأشعار
تكبير فى كل جانب
جمع كل الحبايب
ومهما طال انتظارنا
صوت الحق غالب
عيد خليل
العصافرة المنصورة مصر
تعليق