هلوسه
لو موقف محتاج للبسمه وجيت كشرت .........ابقى عبيط

لو كلمه حق على لسانى وليه كتمت.............. ابقى عبيط


ونصيحه ما عملتش بيها وعنها بعدت............ ابقى عبيط

ولواعدة دردشه عفويه وجبنه بسيرة ديا وديا وليهم شاركت ..ابقى عبيط

ولا اعد على النت وادردش والفجر يأذن واطنش.............. ابقى عبيط

لو مستعملتش سلام وقلت هاى او اى كلام .....................ابقى عبيط

ولأمى وابويا اتنرفز واقول افففف و ازعل وابوز............ ابقى عبيط

علشان كل دا بسهوله حاجه بسيطه وأوى معقوله لو عكست كل مقوله هبقى رائع ولذيذ
ولا واحد يقرأ كلامى ويقول كانى ولا مانى
كلنا على كده عدينا ايام وليالى
ميرفت عاصم