تويت
عمرك ما كنت ف يوم كليم
ترمي العصا بالمعجزات
وانا قلبي مش ساحر قديم
ولا حتى فرعون اهرامات
ياواخدنى للبحر البعيد
البحر مش مشقوق هناك
والموج هلاك
غرقانه فيه الامنيات
مع كل موجه في حكايات
متكسرة فوق الصخور
فتافيت كلام
فتافيت قلوب
فتافيت شعاع
هربان وخايف م الغروب
لكنه كان هربان سكوت
من موت لموت
ومفيش نجاه
حتى اللى واقف من بعيد
ميّت حياة
مانتاش كليم ترمى العصا
تسعى وتبلغ كل شئ
ولا كنت يوم عمرك برئ
هربانة روحى من الزحام
فأخدتها لنفس الطريق
لكن خلاص دلوقت حان
وقت الخلاص
وكفرت بيك
إمضيلي صك العتق من حبك وروح
مسموح تروح
وانا قادرة اغير روحى واخرج للبراح
نص الجناح
قادر ياخدنى لاعلي نجمه فى السحاب
نص العذاب هرميه عليك
نص العذاب منك إليك
وانا يوم ماأحس بشوقي ليك
هفتح كتاب الجرح
وامشي ع الحروف
مع كل جملة مجمعه
حتما هشوف
موت الفراشة الطيبة
قلبي اللى عطشان طبطبة
خبيته بره الامكنة والازمنة
علشان ما يوم
تعتر فى ضله وتكسره
فزاعة الحلم القديم
مبقتش هى المشكلة
الحلم عاش
الحلم مات
العلم حسم المسألة
منتاش كليم
ولا فيه ف ايدك معجزات
انت يا دوب تمثال حجر
يحكى علي
جهل اللى فات
ترمي العصا بالمعجزات
وانا قلبي مش ساحر قديم
ولا حتى فرعون اهرامات
ياواخدنى للبحر البعيد
البحر مش مشقوق هناك
والموج هلاك
غرقانه فيه الامنيات
مع كل موجه في حكايات
متكسرة فوق الصخور
فتافيت كلام
فتافيت قلوب
فتافيت شعاع
هربان وخايف م الغروب
لكنه كان هربان سكوت
من موت لموت
ومفيش نجاه
حتى اللى واقف من بعيد
ميّت حياة
مانتاش كليم ترمى العصا
تسعى وتبلغ كل شئ
ولا كنت يوم عمرك برئ
هربانة روحى من الزحام
فأخدتها لنفس الطريق
لكن خلاص دلوقت حان
وقت الخلاص
وكفرت بيك
إمضيلي صك العتق من حبك وروح
مسموح تروح
وانا قادرة اغير روحى واخرج للبراح
نص الجناح
قادر ياخدنى لاعلي نجمه فى السحاب
نص العذاب هرميه عليك
نص العذاب منك إليك
وانا يوم ماأحس بشوقي ليك
هفتح كتاب الجرح
وامشي ع الحروف
مع كل جملة مجمعه
حتما هشوف
موت الفراشة الطيبة
قلبي اللى عطشان طبطبة
خبيته بره الامكنة والازمنة
علشان ما يوم
تعتر فى ضله وتكسره
فزاعة الحلم القديم
مبقتش هى المشكلة
الحلم عاش
الحلم مات
العلم حسم المسألة
منتاش كليم
ولا فيه ف ايدك معجزات
انت يا دوب تمثال حجر
يحكى علي
جهل اللى فات
تعليق