"غريب يا مصر ماشى
في دروبك وف حواريكى
بصوتي أعافر اناديكى
الاقيكى صبية وشابه
كل العيون تشتهيكى "
مصر الزعاق والظيطة
الدوشة والظمبليطة
والناس القليطة
والخلق البسيطة
قاعدين جنب الحيطة
وأنت مدريناشى
غريب يا مصر ماشى ..........
وأحبك و أجى ليكى
أرمي الغنوة ف عنيكى
د أنا مهما أديكى ما يكفيكى
بحبك وأعمل أيه فيكى ؟
بحبك وأعمل ايه ؟
بحبك يا بنت الأيه
وحبي منتهاشى !!
غريب يا مصر ماشى............
وأنت معفرتانى مجنانى
فحبك مدوبانى
لاماني مبعترانى
مبعدانى مقربانى
موديانى جيبانى
مدوخانى مغربانى
مجرجرانى ممرمطانى
وبردك حضنانى
وعنيكى منيماشى
غريب يا مصر ماشى .............
وأنت بنت بلد
أم الشابة والولد
حبك ف قلبي أتولد
دموعي مالها عدد
بقول لعنيكى مدد
يا آمو الصبي والجدع
وضرب الودع
بحبك يا آمو البدع
وحبي منتهاشى
غريب يا مصر ماشى .........
رغم الضجيج والغلوشة
رغم البكا والنغمشة
الضحك والفرفشة
الزعاق والوشوشة
العقل والدروشة
مصر الطايشة
مصر العايشة
الساكنة جوى الحشا
وجوايا مكرهاشى
غريب يامصر ماشى .........
مصر البداية
مصر النهاية
المراد والغاية
السيرة والحكايا
الحدوتة ملتوتة
والشابة بنوتة
وعايشه جوايا
وجوايا مكرهاشى
غريب يا مصر ماشى ..............
مصر الموال ينقال
صبيه اللي لابسه شال
مصر الكبيرة
الملكة الأميرة
اللي عايشه جوى قصر
بحبك يا مصر
ولاشوفك زعلانشى
غريب يا مصر ماشى .............
فيكى الجنون
والضحك على الدقون
واللعب بالواو
والكاف والييه والنون
وكلام الدش
والصدق والغش
يا مصر معلش
لومنك متسمحناشى
غريب يا مصر ماشى................
فيكى التواشيح
فيكى التباريح
فيكى التفاريح
الطوفان والريح
ولاريح هزناشى
غريب يا مصر ماشى .................
أنت الكلماية
السورة والآية
حبك حكايا
عايشة جوايا
فصوت الأدان
ودق الجرس
فوقت الأمان
العسس والحرس
أنت المرة
أنت الحرة
أنت الدرة
الليل وطاويط
وكلام غويط
العاقل والعبيط
الباشا والبسيط
فيكى الشخابيط
فيكى الاخابيط
بلد الحواديت
عليها وعيت
أقولها ومنسهاشى
غريب يا مصر ماشى.............
فيكى التوبيخ
الهدوء والصريخ
الجغرافيا والتاريخ
القسيس والشيخ
أنت التواشيح
أنت التفاريح
أنت التباريح
الطوفان والريح
ولأريح هزناشى
"غريب يامصر ماشى
ف دروبك وف حواريكى
بصوتي اعافر اناديكى
الاقيكى صبيه
وشابه كل العيون تشتهيكى "
من ديوان "والبنت ليه بتحلم "
مينا ناصف
مواطن مصري
في دروبك وف حواريكى
بصوتي أعافر اناديكى
الاقيكى صبية وشابه
كل العيون تشتهيكى "
مصر الزعاق والظيطة
الدوشة والظمبليطة
والناس القليطة
والخلق البسيطة
قاعدين جنب الحيطة
وأنت مدريناشى
غريب يا مصر ماشى ..........
وأحبك و أجى ليكى
أرمي الغنوة ف عنيكى
د أنا مهما أديكى ما يكفيكى
بحبك وأعمل أيه فيكى ؟
بحبك وأعمل ايه ؟
بحبك يا بنت الأيه
وحبي منتهاشى !!
غريب يا مصر ماشى............
وأنت معفرتانى مجنانى
فحبك مدوبانى
لاماني مبعترانى
مبعدانى مقربانى
موديانى جيبانى
مدوخانى مغربانى
مجرجرانى ممرمطانى
وبردك حضنانى
وعنيكى منيماشى
غريب يا مصر ماشى .............
وأنت بنت بلد
أم الشابة والولد
حبك ف قلبي أتولد
دموعي مالها عدد
بقول لعنيكى مدد
يا آمو الصبي والجدع
وضرب الودع
بحبك يا آمو البدع
وحبي منتهاشى
غريب يا مصر ماشى .........
رغم الضجيج والغلوشة
رغم البكا والنغمشة
الضحك والفرفشة
الزعاق والوشوشة
العقل والدروشة
مصر الطايشة
مصر العايشة
الساكنة جوى الحشا
وجوايا مكرهاشى
غريب يامصر ماشى .........
مصر البداية
مصر النهاية
المراد والغاية
السيرة والحكايا
الحدوتة ملتوتة
والشابة بنوتة
وعايشه جوايا
وجوايا مكرهاشى
غريب يا مصر ماشى ..............
مصر الموال ينقال
صبيه اللي لابسه شال
مصر الكبيرة
الملكة الأميرة
اللي عايشه جوى قصر
بحبك يا مصر
ولاشوفك زعلانشى
غريب يا مصر ماشى .............
فيكى الجنون
والضحك على الدقون
واللعب بالواو
والكاف والييه والنون
وكلام الدش
والصدق والغش
يا مصر معلش
لومنك متسمحناشى
غريب يا مصر ماشى................
فيكى التواشيح
فيكى التباريح
فيكى التفاريح
الطوفان والريح
ولاريح هزناشى
غريب يا مصر ماشى .................
أنت الكلماية
السورة والآية
حبك حكايا
عايشة جوايا
فصوت الأدان
ودق الجرس
فوقت الأمان
العسس والحرس
أنت المرة
أنت الحرة
أنت الدرة
الليل وطاويط
وكلام غويط
العاقل والعبيط
الباشا والبسيط
فيكى الشخابيط
فيكى الاخابيط
بلد الحواديت
عليها وعيت
أقولها ومنسهاشى
غريب يا مصر ماشى.............
فيكى التوبيخ
الهدوء والصريخ
الجغرافيا والتاريخ
القسيس والشيخ
أنت التواشيح
أنت التفاريح
أنت التباريح
الطوفان والريح
ولأريح هزناشى
"غريب يامصر ماشى
ف دروبك وف حواريكى
بصوتي اعافر اناديكى
الاقيكى صبيه
وشابه كل العيون تشتهيكى "
من ديوان "والبنت ليه بتحلم "
مينا ناصف
مواطن مصري
تعليق