الشاعرة جيهان أحمد
البس يالا يا شعب هدومك
البس يالا نروح باى بااااى
النهضة طلعت لمؤاخذة
مشروع وهمى وهانقول جاااى
البس يالا عشان خارجين
دة خدونا خلاص فى الرجلين
والعيب ع اللى مصدق لسة
دول عالم أفكارهم شاذة
قربنا نبيع اللى ورانا
وكله هايركب فى تُروماى
البس يالا يا شعب هدومك
البس يالا هانخرج بااااى
وآدى فريق النهضة بحالو
دوس على اللينك هاتسمع كارثة
أمه فى يوم كانت دعيالو
وداعيا علينا بمليون وكسَة
آدى مشروع النهضة اونطة
جهز يالا بسرعه الشنطة
حلقوا لمصر خلاص زلبطة
وإسأل نفسك حصل إزاى ؟
علشان لسة بتصدقهم
واثق أوى من حُسن أدائهم
ناس كدابة والكدب دة دائهم
وجِب يا أبنى كمان وياهم
وإطلب يالا طقمين شاى