[align=center]السلام عليكم جميعاً ...
هذه أول مشاركه لى فى موضوع أكتبه فى هذا المنتدى الرائع ..
و هذه قصيده لى بعنوان بخمستاشر قرش كنت قد كتبتها فى أيام واقعة العباره التى غرقت فى البحر الأحمر ، منذ عامين تقريباً ، و تقريباً كل ما سوف أنشره فى هذا القسم هى من أرشيف القصائد التى قمت بتأليفها ، و أعتذر عن تقديمى لجديد لأن كل ما أكتبه على الشبكه تتم سرقته فى مواقع أخرى و بأسماء أخرى ، ...


بخمستاشر قرش

ربى الكرش
بخمستاشر قرش
بنى عماراته
بخمستاشر قرش
فتح شركاته
بخمستاشر قرش
زوِّد عبَّاراته
بخمستاشر قرش
أكل و شرب
و نوم ما تمرش
بخمستاشر قرش
خَرَب بلده
و عليها ما زعلش
بخمستاشر قرش
نام الغلابه
ف بطن القرش
بخمستاشر قرش
سافر و نام
ف أحسن فرش
بخمستاشر قرش
سمع خبر موتهم
ما حزنش
بخمستاشر قرش
خَدْ العيال
و فلوسه و العفش
بخمستاشر قرش
هرب من بلده
و لا حد عارضش
بخمستاشر قرش
مات الغلابه
و لا بيهم حسّ
بخمستاشر قرش
مات الغلابه
و لا داقو المشّ
بخمستاشر قرش
كان ف لندن
بياكل الكبش
بخمستاشر قرش
حارب الغلابه ف موج
ما بيرحمش
بخمستاشر قرش
و يا بخت مين فيهم
لسّه ما دابش
بخمستاشر قرش
مين إللى كله القرش
و مين إللى طفا ع الوش
بخمستاشر قرش
نام الغلابه
ف بطن القرش
بخمستاشر قرش
سافر و نام
ف احسن فرش
بخمستاشر قرش
و ارواح الغلابه عنده
و لا تساوى
خمستاشر قرش






أرجو أن تنال إعجابكم ...
جزاكم الله خيراً ..:D[/align]