تويت
ليه كل مرة بيفترق بينا الطريق
نرجع نلاقي نفسنا وكأننا أغراب؟؟؟
و نبتدى تاني من أول الطريق
و كأننا ولا عمرنا كنا ف يوم أحباب؟؟؟
ليه لما أشوفك بارتبك ؟ وكأني لسه صغيرة
أغرق ف بحر كسوف و في الكلام متحيرة
و ابقى ف وسط الناس حكيمة و مُتكلمة وبربنط
آجي لعندك معرفش أقول حتى كلمتين على بعض!؟
ليه بيبقى نفسي اقول لك من جوة قلبي كلام كتير
ألقاني بغرق في شبر مية وكأني بغرق في بير
ولما يجف عرقي ويخف خجلي و قلبي يبقى جريء
ألاقيك بعدت خاصمت و فوتني لوحدي وفـ قلبي حريق
لحد امتى حيضيع مننا عمرنا واحنا
ما بنحكيش لبعضنا الا اللي جارحنا
مني خايف انت و منك خايفة انا برضه
و لحد امتى حيجري الخوف وقلوبنا بتطارده
ما تيجي نقول اللي في قلوبنا والخُلق يتفش
حيحصل ايه يعني حنخاف و الا حنكش؟
رايداك انا بجنون و انت كمان من جوة قلبك رايدني
كفاية نعمل نفسنا ولا احنا هنا و نعيش عذاب مضني
نتدارى ورا غنوة حب كلامها فيه الصبر دوبني
لو كان في قلبك ليا منزلة تعالى وع الحصان خدني
نرجع نلاقي نفسنا وكأننا أغراب؟؟؟
و نبتدى تاني من أول الطريق
و كأننا ولا عمرنا كنا ف يوم أحباب؟؟؟
ليه لما أشوفك بارتبك ؟ وكأني لسه صغيرة
أغرق ف بحر كسوف و في الكلام متحيرة
و ابقى ف وسط الناس حكيمة و مُتكلمة وبربنط
آجي لعندك معرفش أقول حتى كلمتين على بعض!؟
ليه بيبقى نفسي اقول لك من جوة قلبي كلام كتير
ألقاني بغرق في شبر مية وكأني بغرق في بير
ولما يجف عرقي ويخف خجلي و قلبي يبقى جريء
ألاقيك بعدت خاصمت و فوتني لوحدي وفـ قلبي حريق
لحد امتى حيضيع مننا عمرنا واحنا
ما بنحكيش لبعضنا الا اللي جارحنا
مني خايف انت و منك خايفة انا برضه
و لحد امتى حيجري الخوف وقلوبنا بتطارده
ما تيجي نقول اللي في قلوبنا والخُلق يتفش
حيحصل ايه يعني حنخاف و الا حنكش؟
رايداك انا بجنون و انت كمان من جوة قلبك رايدني
كفاية نعمل نفسنا ولا احنا هنا و نعيش عذاب مضني
نتدارى ورا غنوة حب كلامها فيه الصبر دوبني
لو كان في قلبك ليا منزلة تعالى وع الحصان خدني
تعليق