تويت
"فنجان القهوة البارد"
.......................
"1
آخذ رشفة من فنجان القهوة البارد في صيف حار... غالبًا أنساه متعمدًا ً فيبرد، أعود إلى الجريدة، يعاودني شرودي، يا لهؤلاء الناس كيف ينامون حتى الآن، دقت الساعة العاشرة منذ فترة وهم حتى الأن نيّام.. أحمل جريدتي من فوق المكتب، أتجه إلى الشرفة، أجلس وحيدًا في الشرفة، الشارع هادئ كما لو أنه الفجر، مع أن في الفجر كانت هناك بعض الحركة، هل الناس تغيرت إلى هذا الحد، أم أن المعاش يكشف لمن في سني هذا كيف تعيش الناس في الألفية الثالثة؟!...
............
المدام لا تستيقظ بحجة أننا مازالنا في الصباح، متى إذن يأتي الظهر وقد أتى فعلًا، أبنائي مثلها ساهرون ليلًا، لعن الله السهر، حاولت أن أجربه مرة ولكن دون فائدة، التعليم في الكبر كالنقش على الماء ولذلك فشلت في تعلم أي شيء حتى في شرب القهوة مرة ساخنة، لماذا أكتب لك الأن؟! لا أعلم...، تذكرت؛ لأخبرك بالخبر الأخير في حياتي، نويت الانتحار، إن كنت مستيقظًا مثلي في ذلك الصباح فلتلحقني وإن لم تكن فلا داعي لإزعاجك.. ووداعًا!
............
وتناول من الحبوب المجاورة لكوب القهوة البارد
وأتبعها بما تبقى من الفنجان وفي الحال سقطت رأسه!
............................
2
_محسن بيه، يا محسن بيه..
_أنا فين، خلاص وصلت الجنة!
_جنة إيه يابيه، أنتا في البلكونة..
_إزاى أنا انتحرت..!
_أبدًا،انتا أخدت من حبوب المنوم..
_إزاى يعني وانت مين أصلًا؟!
_سلامة نظرك يا سعادة البيه، أنا مصطفى البواب، جبتلك الطلبات اللي طلبتها مني ودخلت بمفتاح الشقة اللي اديتهولي عشان أشقر عليك بالليل!
_هي المدام والأولاد صحيوا؟
_مدام وأولاد مين، هو المنوم لسة مؤثر عليك، المدام والأولاد ما ماتوا..
_ماتوا؟!
_أنتا تعبان يا محسن بيه أتصلك بالدكتور..؟
_ماتوا إزاى؟!
_يا بيه لما المدام كانت بتوصل الأولاد للمدرسة بالعربية والعربية انقلبت..
_إمتى حصل الكلام ده؟؟
_بعد ما خرجت على المعاش بكام يوم من سنة.
_يعني مفيش ولا مدام ولا أولاد؟؟
_يا بيه أنتا كل يوم تسألني نفس الاسئلة، أنتا لازم تروح للدكتور بتاعك..
_الدكتور بتاعي؟!
_أيوة اللي كتبلك على المنوم ده.
_إللي أنا انتحرت بيه...؟
_ انتحرت إيه بس يا بيه، أنتا أخدت قرص واحد زي كل يوم مع فنجان القهوة، اللي عملتهولك بنفسي الصبح وقلتلي روح أنتا..
_طب اصبر أنا هجبلك دليل إنى انتحرت..
(وأخذ يبحث عن ورقة الانتحار، ليس هناك ورقة كأنها فص ملح وداب)
_خلاص مش مشكلة ممكن تروح تعملي فنجان قهوة عشان مصدع وأنا هاخد قرص تاني مع القهوة عشان عاوز أنام.. (وغاب البواب خمس دقائق ثم عاد مع فنجان القهوة)..
_خلاص روح انتا..
_بس يا ريت يا بيه تنام جوه ومجيش الاقيك نايم هنا الصبح..
_طيب..
...........................
وغادر البواب وأخذ يقرأ نفس الخبر في الجريدة (مصرع سيدة وابنيها في حادث)، حتى بردت القهوة تمامًا فشربها مع قرص منوم واحد فسقطت رأسه ونام...
.......................
"1
آخذ رشفة من فنجان القهوة البارد في صيف حار... غالبًا أنساه متعمدًا ً فيبرد، أعود إلى الجريدة، يعاودني شرودي، يا لهؤلاء الناس كيف ينامون حتى الآن، دقت الساعة العاشرة منذ فترة وهم حتى الأن نيّام.. أحمل جريدتي من فوق المكتب، أتجه إلى الشرفة، أجلس وحيدًا في الشرفة، الشارع هادئ كما لو أنه الفجر، مع أن في الفجر كانت هناك بعض الحركة، هل الناس تغيرت إلى هذا الحد، أم أن المعاش يكشف لمن في سني هذا كيف تعيش الناس في الألفية الثالثة؟!...
............
المدام لا تستيقظ بحجة أننا مازالنا في الصباح، متى إذن يأتي الظهر وقد أتى فعلًا، أبنائي مثلها ساهرون ليلًا، لعن الله السهر، حاولت أن أجربه مرة ولكن دون فائدة، التعليم في الكبر كالنقش على الماء ولذلك فشلت في تعلم أي شيء حتى في شرب القهوة مرة ساخنة، لماذا أكتب لك الأن؟! لا أعلم...، تذكرت؛ لأخبرك بالخبر الأخير في حياتي، نويت الانتحار، إن كنت مستيقظًا مثلي في ذلك الصباح فلتلحقني وإن لم تكن فلا داعي لإزعاجك.. ووداعًا!
............
وتناول من الحبوب المجاورة لكوب القهوة البارد
وأتبعها بما تبقى من الفنجان وفي الحال سقطت رأسه!
............................
2
_محسن بيه، يا محسن بيه..
_أنا فين، خلاص وصلت الجنة!
_جنة إيه يابيه، أنتا في البلكونة..
_إزاى أنا انتحرت..!
_أبدًا،انتا أخدت من حبوب المنوم..
_إزاى يعني وانت مين أصلًا؟!
_سلامة نظرك يا سعادة البيه، أنا مصطفى البواب، جبتلك الطلبات اللي طلبتها مني ودخلت بمفتاح الشقة اللي اديتهولي عشان أشقر عليك بالليل!
_هي المدام والأولاد صحيوا؟
_مدام وأولاد مين، هو المنوم لسة مؤثر عليك، المدام والأولاد ما ماتوا..
_ماتوا؟!
_أنتا تعبان يا محسن بيه أتصلك بالدكتور..؟
_ماتوا إزاى؟!
_يا بيه لما المدام كانت بتوصل الأولاد للمدرسة بالعربية والعربية انقلبت..
_إمتى حصل الكلام ده؟؟
_بعد ما خرجت على المعاش بكام يوم من سنة.
_يعني مفيش ولا مدام ولا أولاد؟؟
_يا بيه أنتا كل يوم تسألني نفس الاسئلة، أنتا لازم تروح للدكتور بتاعك..
_الدكتور بتاعي؟!
_أيوة اللي كتبلك على المنوم ده.
_إللي أنا انتحرت بيه...؟
_ انتحرت إيه بس يا بيه، أنتا أخدت قرص واحد زي كل يوم مع فنجان القهوة، اللي عملتهولك بنفسي الصبح وقلتلي روح أنتا..
_طب اصبر أنا هجبلك دليل إنى انتحرت..
(وأخذ يبحث عن ورقة الانتحار، ليس هناك ورقة كأنها فص ملح وداب)
_خلاص مش مشكلة ممكن تروح تعملي فنجان قهوة عشان مصدع وأنا هاخد قرص تاني مع القهوة عشان عاوز أنام.. (وغاب البواب خمس دقائق ثم عاد مع فنجان القهوة)..
_خلاص روح انتا..
_بس يا ريت يا بيه تنام جوه ومجيش الاقيك نايم هنا الصبح..
_طيب..
...........................
وغادر البواب وأخذ يقرأ نفس الخبر في الجريدة (مصرع سيدة وابنيها في حادث)، حتى بردت القهوة تمامًا فشربها مع قرص منوم واحد فسقطت رأسه ونام...
تعليق