تويت
وَقْتَكْ عَدَّا
وَقْتَكْ عَدَّا
قَلْبِي يَالايْمِي مَنْ جِيهْتَكْ سْرَدْ وُبْرَدْ
بَعْدْ فَاضْ كَاسَْ قَلْبكْ بَ لْغَلْ وْلَحْقَدْ
وْطَاحْ قدْرَكْ فْعِينَي
بَعْدْ مَ كُنْتْ نَمْدَحْ وُنْمَجَّدْ
كُنْتْ حَاسْبَكْ مَلاَكْ أَوُْكْثَرْ
كُنْتِي عَنْدِي فْ مْقَامْ عِشْتَارْ
شْحَالْ قَدَّسْتَكْ
وُبْإسْمكْ
كُنْتْ نْتَحِّي وُ نْشَهّدْ
فْشِيتِي السَّرْ
نْوِيتِي الشَّرْ
وُنْقَضْتِي ذَاكْ لْعَهْدْ
جَايَّة عَادْ طَّلْبِي السْمَاحَة
بْكُلْ جُرْأَة وُ بْجَاحَة
خْلاصْ فَاتْ لْفُوتْ
صْبَحْتْ آنَا وُيَّاكْ ضَدّْ
وَقْتَكْ عَدَّا وْفَاتْ لْمُدَّة ُُ
بُنْيَانَكْ تْزَلْزَلْ وُتْهَدّْ
مْنَحْتَكْ وَقْتْ تْرَاجْعِي فِيهْ
تْجاهَلتْيهْ بْ جَدّْ
رَانِي دَمْ وُلْْحَمْ
ذَاتِِي فِيهََا رُوحْ
وْقَلْبْ مَجْرُوحْ
خَلّيِتِيهْ يْنُوحْ
وِينْ يْرُوحْ
وِينْ يْصُدّْ
كْرهْتْ خْلِيقْتَكْ
نْسِيتْ سِيرْتَكْ
قَلبِْي خْلاصْ
لِيكْ وُلْغِيرَكْ تْسَدْ
خْسَارَة مَاعْرَفْتِيشْ تْمَلْكِيهْ
فْ أَوَّلْ إعْصَارْ حُبَّكْ لَحْتِيهْ
دَرْتِي مْزِيَّة
مَازَالْ نَحْياَ
لْحَيَاةْ بْلاَبِيكْ
مُسْتَحِيلْ تَتْجَمَّدْ
المريني ادريس
القصر الكبير بتاريخ : 06 / 09 / 2012
تعليق