تويت
الرابعة عشر
________
مسمع 1
_____
فرغلى: ماسى ..ماسى ..نلعب ايه ..نلعب ايه يا فرغلى
اه ..نلعب ال..
صوت قفا وأقدام تجرى مبتعدة
وصوت باب يفتح ويغلق بقوة
يضحك فرغلى عاليا فى حب
فرغلى: قفايا ..تااااااااااااااانى يا ممدوح..
يضحك عاليا ..
(موسيقى)
مسمع 2
______
اصوات القهوة مع صوت قشاط لعبة
الطاولة عالي ورمى الزهر ..يضحك فرغلى
فرغلى: هيييييييه ..زنقتك فى اليك يا حلو ..العشرة خلصت ..
ادفع يا حلو حق المشاريب كلها.. و متحمرأش..
توكل: لأ ..العشرة دى متتحسبش ..أنت بتقرص فى الزهر ..
العب واحدة تانية ..
فرغلى:هنحمرأ..ماشى ..العب واحدة تانية ..وبرضة هتتغلب ..
أنت بتلاعب الملك
صوت اقدام تقترب
شلتوت:هييه..مين اللى غالب..خد بالك منه يا فرغلى..عمك توكل
احسن واحد
يقرص فى الزهر ..فى درب القطة كلها ..
ومحدش قادر عليه ..
فرغلى: ده كان زمان يا عم شلتوت الكلام ده ..دلوقتى جاله ملك
وعبقرى الطاولة
صوت موتور سيارة وفرامل
شلتوت:مالك يا ابنى ..سهمت ووشك احمركده ليه ..
توكل :فى ايه ..ايدك اتسمرت بالزهر ليه ..أرمى الزهر ..
فى صوت فخيم.. صدى صوت ..يحدث نفسه
فرغلى:يا لهوك يا ابن اللمونى ..ايه المزة الجامدة بالقوى دى..
اللى نازلة م العربية الفخمة دى ..
معقول يا درب القطة فيكى الجمال والحلاوة دى كلها ..
بقى لهطة القشطة دى اللى تتلهط لهط..عايشة فى الدرب..
توكل:هاااااى ..متنح كده ليه ..ارمى الزهر ..
فرغلى:زهر ايه ونيلة ايه ..بصوا وراكم ..وقولولى إذا كنت نايم بحلم
ولا صاحى ..
صوت كراسى تتحرك
توكل:ياخبر ..دى الآنسة ..إمتثال..
شلتوت:يا أهلا ..يا أهلا بست الكل ..ازيك يا إمتثال يا بنتى ..لا لا ..
أنا زعلان منك خالص ..طولتى علينا الغيبة المرة دى ..
صوت رقيق مثقف لفتاة تخطت العشرين
امتثال:اهلا يا متر توكل ..
توكل :نورتى الدرب يا ست الكل ..ازى السيد الوالد ..لعله بخير ..
امتثال:بخير وبيسلم عليك ..ازيك يا راجل يا عجوز انت ..
وايه اخبارممدوح..
شلتوت:أنا بخير ..طالما انتى بخير وسلام..وممدوح دايما بيسأل
عليكى..فين ماما امتثال ..فين ماما إمتثال..
تضحك امتثال برقة
صوت فخيم بصدى صوت
فرغلى : يا لهووووى ..ايه الضحكة دى ..تيجى المديرة تشوف
النسوان ..لحسن حاسبة نفسها غلط على صنف النسوان ..
هى دى النسوان الصح يا معفنة ..
شلتوت:ايه يا فرغلى..رحت فين ..مد ايدك سلم ع الست امتثال ..
توكل: هاااااى ..فوق ..اصحى ..ست الكل مادة لك ايدها ..
سلم عليها يا بنى آدم ..
صوت فخيم بصدى صوت
فرغلى:ياخرااااااااااابى .. ايدها حرير ..
امتثال:مين الاستاذ ..اول مرة اشوفه فى الدرب ..
توكل:ده الاستاذ فرغلى اللمونى ..
امتثال: ايوه كده انا فهمت ..يبقى انت الملك الجديد لدرب القطة ..
انت ايه حكايتك بالظبط .. هو اخرس ..
شلتوت: اخرس ايه بس ..يا ست امتثال ..ده برابند ..
رد يا ملك على ست الكل ..
يحشرج صوتة ويرتعش صوته
فرغلى:أهلا ..أحم أحم ..آسف ..الظاهر انى خت برد فى زورى ..
امتثال:ألف سلامة يا ملك ..والبقية فى حياتك فى عمك ..وربنا يجعلك
افضل خلف ل..ولا بلاش ..الميت متجوزش عليه ألا الرحمة ..
توكل: الله يبقى حياتك يا هانم ..انطق رد ع الآنسة..
شلتوت:أتفضلى يا بنتى أستريحى ..تشربى أيه ..
توكل:الآنسة مبتشربش ألا النسسكافية ..المخصوص بتاعها ..
وارد ايطاليا ..أصلى يعنى ..ومظبوط ..
امتثال: مظبوط يا متر ..
توكل:هوا ..هعملهولك بايدى.. وبالمية المعدنية المخصوصة كمان
توكل دايما جاهز ..
صوت فخيم بصدى صوت
فرغلى:يالاااااااااااهوى عليكى.. وعلى نسسكافيهك ..اثبت يا واد
يا فرغلى وخليك راجل ..
صوت سرينة شرطة
صوت كرسى يرتطم بالأرض
يصرخ عاليا فى خوف
فرغلى:اجروا يا جماعة ..كل واحد ياخد له ساتر يستخبى وراه..
الظابط ده مبيتفهمش..
وانا قفايا ورم ..
صوت أقدام تبتعد
صارخا
شلتوت : أرجع يا فرغلى متخافش ..أرجع يا وله ..
(موسيقى )
______________________________________
مسمع 3
_____
صوت أقدام مسرعة
صوت باب يفتح ويغلق بسرعة
ينهج
فرغلى :الحمدلله نفدت بقفايا ..
صوت لزق قفا
فرغلى :آى ..
ضحك عطية
عطية :واحد كمان ..أنا احب العب معاك ..واحد كمان ..
فرغلى :مكتوب لك القفا ده يا فرغلى ..هوأنت ..
صوت جرس الباب
فى خوف
فرغلى :عطية حبيبى .. روح افتح الباب ..بس اسأل الأول مين ..
لو كان الظابط متفتحش ..
صوت باب يفتح
عطية :ده مش السابط ..دى بت وحشة ..
عزيزة :اخص عليك يا عطية ..بأه عزيزة حبيبتك ..وحشة ..
عطية :لأ ..انتى مس عسيسة ..عسيسة حوة ..أنتى وحشة ..
يصفر بفمه
فرغلى : معقولة ..ايه الحلاوة دى كلها .. كنتى مخبية الحلاوة دى
كلها فين ..بأه انتى عزيزة انتى..
فى غضب
عطية :لأ يا عبيط انت ..دى مش عزيزة ..دى بت وحشة ..عزيزة
حوة ..
فرغلى :بأه الطعامة والحلاوة دى كلها وحشة ..
فى خجل
عزيزة :متكسفنيش بأه يا ملك ..ما هو لبس البوصة تبقى عروسة ..
وانا نفذت أوامرك ..وبعدين نستنى انا كنت جايالك ليه ..آه
عمك رجب باعت لك سندويتشات بدنجان مقلى وشوية فول
وطعمية ..يستاهلوا بقك ..يوه الواد خطفهم ..
عطية :انا آكلهم انا ..
فرغلى :طب على مهلك يا حبيبى لتزور وتفطس ..بالراحة يا وله..
خد نفسك ..
صوت أقدام
شلتوت :الله يكسفك يا شيخ ..انت مركب زمبلك فى رجلك ..
الله ده عطية عندك هنا .. ومين الأمورة دى ..
عزيزة :ايه يا عم شلتوت ..معرفتنيش ..انا عزيزة ..
شلتوت :لأ ..قولى كلام غير ده ..كنتى مخبية الحلاوة دى كلها فين
عطية :لأ يا عبيط انت ..دى مس عزيزة ..عزيزة حوة ..دى وحشة
شلتوت :يوه.. نستونى..معايا ضيفة برة ..جاية تزورك وتتكلم معاك
اتفضلى يا أمتثال يا بنتى ..قابل ضيوفك يا فرغلى ..
مالك يا وله تنحت تانى ليه ..اتحرك ورحب بضيفتك ..
إمتثال :ايه يا ملك ..أنا ضيفة مش مرغوب فى وجودها.. ولا ايه
عزيزة:يا خبر يا ست امتثال..ده انتى تشرفى وتنورى اى مكان
تدخليه..اتفضلى استريحى هنا ..
إمتثال : يا ستى تشكرى ..انا بشبة عليكى ..احنا اتقابلنا قبل كده
انتى اخت الملك ..
تضحك
عزيزة :يا خبر يا ست امتثال ..أنتى كمان معرفتنيش ..أنا عزيزة بنت
عم رجب ..
أمتثال :معقولة..عزيزة..وايه اللى قلبك كده..ده انتى بقيتى ذى قمر ..
عزيزة :البركة فى الملك..هو اللى أمرنى ألبس ذى البنات..حلوة بجد
ممدوح :لأ وحشة ..هه ..
أمتثال :اخص عليك يا ممدوح..بقى الطعامة دى كلها.. يتقال لها
وحشة..المهم ..أنا جاية يا ملك أكلمك فى موضوع مهم جدا ..
فرغلى :انا تحت أمر سيادتك ..
أمتثال :اللى قاله عنك عم شلتوت..طمنى..قال أنك صاحب رسالة و..
فرغلى :مظبوط ..عبقرى وصاحب رسالة ..
شلتوت :الآنسة أمتثال يا فرغلى يا بنى مش غريبة عن الدرب ..اولا
دى بنت النايب بتاع دايرتنا ..
فرغلى :آه..انا كده فهمت ..يبقى الظابط كان معاها ..حراسة يعنى
شلتوت :لا يا عبقرى ..فاتتك دى ..الظابط كان جى لتوكل ..الآنسة
بتحضر رسالة الماجستير بتاعتها عن الأماكن العشوائية
فرغلى :الله ..دى صاحبة رسالة ..ذى ..
إمتثال : بالظبط ..صاحبة رسالة ذيك ..وانا جيالك بصفتك الملك
الجديد عشان تساعدنى ..
فى ثقة
فرغلى :تحت أمرك يا هانم ..اسألى وانا اجاوب على طول ..
أمتثال : انا لفيت الدرب كلة .. وقابلت ناسه ..ودرست كل مشاكلهم ..
ألا مكان واحد ..منعونى أدخله ..حتى والدى شرط علية
عشان أعمل رسالتى عن الدرب..مسألش عنه ولا أأقرب منه
فرغلى:شاورى عليه يا هانم ..ينفتح لك فورا ..ده أنا الملك ..
إمتثال : البوابة الحديد اللى فى السور الكبير ..
( نهاية الرابعة عشر)
________
مسمع 1
_____
فرغلى: ماسى ..ماسى ..نلعب ايه ..نلعب ايه يا فرغلى
اه ..نلعب ال..
صوت قفا وأقدام تجرى مبتعدة
وصوت باب يفتح ويغلق بقوة
يضحك فرغلى عاليا فى حب
فرغلى: قفايا ..تااااااااااااااانى يا ممدوح..
يضحك عاليا ..
(موسيقى)
مسمع 2
______
اصوات القهوة مع صوت قشاط لعبة
الطاولة عالي ورمى الزهر ..يضحك فرغلى
فرغلى: هيييييييه ..زنقتك فى اليك يا حلو ..العشرة خلصت ..
ادفع يا حلو حق المشاريب كلها.. و متحمرأش..
توكل: لأ ..العشرة دى متتحسبش ..أنت بتقرص فى الزهر ..
العب واحدة تانية ..
فرغلى:هنحمرأ..ماشى ..العب واحدة تانية ..وبرضة هتتغلب ..
أنت بتلاعب الملك
صوت اقدام تقترب
شلتوت:هييه..مين اللى غالب..خد بالك منه يا فرغلى..عمك توكل
احسن واحد
يقرص فى الزهر ..فى درب القطة كلها ..
ومحدش قادر عليه ..
فرغلى: ده كان زمان يا عم شلتوت الكلام ده ..دلوقتى جاله ملك
وعبقرى الطاولة
صوت موتور سيارة وفرامل
شلتوت:مالك يا ابنى ..سهمت ووشك احمركده ليه ..
توكل :فى ايه ..ايدك اتسمرت بالزهر ليه ..أرمى الزهر ..
فى صوت فخيم.. صدى صوت ..يحدث نفسه
فرغلى:يا لهوك يا ابن اللمونى ..ايه المزة الجامدة بالقوى دى..
اللى نازلة م العربية الفخمة دى ..
معقول يا درب القطة فيكى الجمال والحلاوة دى كلها ..
بقى لهطة القشطة دى اللى تتلهط لهط..عايشة فى الدرب..
توكل:هاااااى ..متنح كده ليه ..ارمى الزهر ..
فرغلى:زهر ايه ونيلة ايه ..بصوا وراكم ..وقولولى إذا كنت نايم بحلم
ولا صاحى ..
صوت كراسى تتحرك
توكل:ياخبر ..دى الآنسة ..إمتثال..
شلتوت:يا أهلا ..يا أهلا بست الكل ..ازيك يا إمتثال يا بنتى ..لا لا ..
أنا زعلان منك خالص ..طولتى علينا الغيبة المرة دى ..
صوت رقيق مثقف لفتاة تخطت العشرين
امتثال:اهلا يا متر توكل ..
توكل :نورتى الدرب يا ست الكل ..ازى السيد الوالد ..لعله بخير ..
امتثال:بخير وبيسلم عليك ..ازيك يا راجل يا عجوز انت ..
وايه اخبارممدوح..
شلتوت:أنا بخير ..طالما انتى بخير وسلام..وممدوح دايما بيسأل
عليكى..فين ماما امتثال ..فين ماما إمتثال..
تضحك امتثال برقة
صوت فخيم بصدى صوت
فرغلى : يا لهووووى ..ايه الضحكة دى ..تيجى المديرة تشوف
النسوان ..لحسن حاسبة نفسها غلط على صنف النسوان ..
هى دى النسوان الصح يا معفنة ..
شلتوت:ايه يا فرغلى..رحت فين ..مد ايدك سلم ع الست امتثال ..
توكل: هاااااى ..فوق ..اصحى ..ست الكل مادة لك ايدها ..
سلم عليها يا بنى آدم ..
صوت فخيم بصدى صوت
فرغلى:ياخرااااااااااابى .. ايدها حرير ..
امتثال:مين الاستاذ ..اول مرة اشوفه فى الدرب ..
توكل:ده الاستاذ فرغلى اللمونى ..
امتثال: ايوه كده انا فهمت ..يبقى انت الملك الجديد لدرب القطة ..
انت ايه حكايتك بالظبط .. هو اخرس ..
شلتوت: اخرس ايه بس ..يا ست امتثال ..ده برابند ..
رد يا ملك على ست الكل ..
يحشرج صوتة ويرتعش صوته
فرغلى:أهلا ..أحم أحم ..آسف ..الظاهر انى خت برد فى زورى ..
امتثال:ألف سلامة يا ملك ..والبقية فى حياتك فى عمك ..وربنا يجعلك
افضل خلف ل..ولا بلاش ..الميت متجوزش عليه ألا الرحمة ..
توكل: الله يبقى حياتك يا هانم ..انطق رد ع الآنسة..
شلتوت:أتفضلى يا بنتى أستريحى ..تشربى أيه ..
توكل:الآنسة مبتشربش ألا النسسكافية ..المخصوص بتاعها ..
وارد ايطاليا ..أصلى يعنى ..ومظبوط ..
امتثال: مظبوط يا متر ..
توكل:هوا ..هعملهولك بايدى.. وبالمية المعدنية المخصوصة كمان
توكل دايما جاهز ..
صوت فخيم بصدى صوت
فرغلى:يالاااااااااااهوى عليكى.. وعلى نسسكافيهك ..اثبت يا واد
يا فرغلى وخليك راجل ..
صوت سرينة شرطة
صوت كرسى يرتطم بالأرض
يصرخ عاليا فى خوف
فرغلى:اجروا يا جماعة ..كل واحد ياخد له ساتر يستخبى وراه..
الظابط ده مبيتفهمش..
وانا قفايا ورم ..
صوت أقدام تبتعد
صارخا
شلتوت : أرجع يا فرغلى متخافش ..أرجع يا وله ..
(موسيقى )
______________________________________
مسمع 3
_____
صوت أقدام مسرعة
صوت باب يفتح ويغلق بسرعة
ينهج
فرغلى :الحمدلله نفدت بقفايا ..
صوت لزق قفا
فرغلى :آى ..
ضحك عطية
عطية :واحد كمان ..أنا احب العب معاك ..واحد كمان ..
فرغلى :مكتوب لك القفا ده يا فرغلى ..هوأنت ..
صوت جرس الباب
فى خوف
فرغلى :عطية حبيبى .. روح افتح الباب ..بس اسأل الأول مين ..
لو كان الظابط متفتحش ..
صوت باب يفتح
عطية :ده مش السابط ..دى بت وحشة ..
عزيزة :اخص عليك يا عطية ..بأه عزيزة حبيبتك ..وحشة ..
عطية :لأ ..انتى مس عسيسة ..عسيسة حوة ..أنتى وحشة ..
يصفر بفمه
فرغلى : معقولة ..ايه الحلاوة دى كلها .. كنتى مخبية الحلاوة دى
كلها فين ..بأه انتى عزيزة انتى..
فى غضب
عطية :لأ يا عبيط انت ..دى مش عزيزة ..دى بت وحشة ..عزيزة
حوة ..
فرغلى :بأه الطعامة والحلاوة دى كلها وحشة ..
فى خجل
عزيزة :متكسفنيش بأه يا ملك ..ما هو لبس البوصة تبقى عروسة ..
وانا نفذت أوامرك ..وبعدين نستنى انا كنت جايالك ليه ..آه
عمك رجب باعت لك سندويتشات بدنجان مقلى وشوية فول
وطعمية ..يستاهلوا بقك ..يوه الواد خطفهم ..
عطية :انا آكلهم انا ..
فرغلى :طب على مهلك يا حبيبى لتزور وتفطس ..بالراحة يا وله..
خد نفسك ..
صوت أقدام
شلتوت :الله يكسفك يا شيخ ..انت مركب زمبلك فى رجلك ..
الله ده عطية عندك هنا .. ومين الأمورة دى ..
عزيزة :ايه يا عم شلتوت ..معرفتنيش ..انا عزيزة ..
شلتوت :لأ ..قولى كلام غير ده ..كنتى مخبية الحلاوة دى كلها فين
عطية :لأ يا عبيط انت ..دى مس عزيزة ..عزيزة حوة ..دى وحشة
شلتوت :يوه.. نستونى..معايا ضيفة برة ..جاية تزورك وتتكلم معاك
اتفضلى يا أمتثال يا بنتى ..قابل ضيوفك يا فرغلى ..
مالك يا وله تنحت تانى ليه ..اتحرك ورحب بضيفتك ..
إمتثال :ايه يا ملك ..أنا ضيفة مش مرغوب فى وجودها.. ولا ايه
عزيزة:يا خبر يا ست امتثال..ده انتى تشرفى وتنورى اى مكان
تدخليه..اتفضلى استريحى هنا ..
إمتثال : يا ستى تشكرى ..انا بشبة عليكى ..احنا اتقابلنا قبل كده
انتى اخت الملك ..
تضحك
عزيزة :يا خبر يا ست امتثال ..أنتى كمان معرفتنيش ..أنا عزيزة بنت
عم رجب ..
أمتثال :معقولة..عزيزة..وايه اللى قلبك كده..ده انتى بقيتى ذى قمر ..
عزيزة :البركة فى الملك..هو اللى أمرنى ألبس ذى البنات..حلوة بجد
ممدوح :لأ وحشة ..هه ..
أمتثال :اخص عليك يا ممدوح..بقى الطعامة دى كلها.. يتقال لها
وحشة..المهم ..أنا جاية يا ملك أكلمك فى موضوع مهم جدا ..
فرغلى :انا تحت أمر سيادتك ..
أمتثال :اللى قاله عنك عم شلتوت..طمنى..قال أنك صاحب رسالة و..
فرغلى :مظبوط ..عبقرى وصاحب رسالة ..
شلتوت :الآنسة أمتثال يا فرغلى يا بنى مش غريبة عن الدرب ..اولا
دى بنت النايب بتاع دايرتنا ..
فرغلى :آه..انا كده فهمت ..يبقى الظابط كان معاها ..حراسة يعنى
شلتوت :لا يا عبقرى ..فاتتك دى ..الظابط كان جى لتوكل ..الآنسة
بتحضر رسالة الماجستير بتاعتها عن الأماكن العشوائية
فرغلى :الله ..دى صاحبة رسالة ..ذى ..
إمتثال : بالظبط ..صاحبة رسالة ذيك ..وانا جيالك بصفتك الملك
الجديد عشان تساعدنى ..
فى ثقة
فرغلى :تحت أمرك يا هانم ..اسألى وانا اجاوب على طول ..
أمتثال : انا لفيت الدرب كلة .. وقابلت ناسه ..ودرست كل مشاكلهم ..
ألا مكان واحد ..منعونى أدخله ..حتى والدى شرط علية
عشان أعمل رسالتى عن الدرب..مسألش عنه ولا أأقرب منه
فرغلى:شاورى عليه يا هانم ..ينفتح لك فورا ..ده أنا الملك ..
إمتثال : البوابة الحديد اللى فى السور الكبير ..
( نهاية الرابعة عشر)
تعليق