كنت قد كتبتها في بداية الثورة المصرية الحبيبه
اعلم أن أهل مصر أدرى بشعابها ولكني وددت
مشاركتهم بعض البوح ...

الحلوه دي ئامت
تسأل في الفجريه
لمت ولادها بحجرها
وئعدت تفكر شويه
ياربي ايه اللي حصل
ايه المصيبه دي هيه
أحمد وجورج وعزه
واحسان وبهيه
كلهم ولادي يا ناس
كلهم نور لعينيه
مين ئال انا مع ده
او ضد ده أيه القضيه ؟
مش رئيس ولا حكومه
ولا تفاهه سياسيه
ولادي لما نزلوا ئالولي يا نينه
ما تخافيش نحنا سويه
يمكن سكاتنا خلاهم يتنمردوا
وخلاهم يسيئوا النيه ؟
ويفتكروا انا غنم
وهم اللي أحسنوا الرعيه
خلينا نسمع صوتنا ليهم
ونصرخ مسيرتنا سلميه
البلد دي بلدنا
بأرضها ونيلها
والكل أخوه ليا
بس السكات والئبول
خلانا للظالم مطيه
مصر لما ئامت
كانت
عايزه لولادها لئمه هنيه
كانت بتتمنى تجيب
عزه وكرامه لكل الاولاد ديه
مش دا ابن باشا
والبئيه أولاد الخدامه سنيه
ما همهاش كلب اوروبا
أو الديون الأمريكيه
نزلت تغير بصوت هادي
وبعزيمه شبابيه
لكن كلاب الحئد والظلام
ولاد الشر
أصل البليه
ما يسيبوش
كراسيهم ومعابدهم
لصوت الحئ والحريه
لكنهم أبداً ما فهموا
ان اللي ئايم دلوئت
روح فتيه
فاهمه وعارفه وعاشت
كل اللي كان وللئصه بئيه
تكتبها ايدين الحئ
وصوت نابع من الحريه
وئالت للكون كلوووا بكل فخار
هي دي الأمه المصريه
خير أجناد الأرض كلهم
ئول حئ من نبي الانسانيه
وان الفجر الجاي ليهم
بأذن جبار عظيم
رحمن رحيم
رب البريه

امنيه نعيم
3.2.11