ديرة بطيخ
ديرة البطيخ ,, هوره وما يمر بيه
القطار
والطيور تنومست بالليل ,, من مات
النهار
والكبار ,, تحزّمت باستار كعبتنه وبعد
متخاف من اهل
الديار
لبسوا وجوه الخجل جوّ الجفافي
اوصار قاموس الجذب ,,الهم
شعار
وما بقه من الدين,, بس فر المحابس ,,
والمسابح ,,, سندلوس مرصع
بنجمات , فضه
والصلاه صارت
اطار
رجع هارون القديم ,, يقود ربعه
اوشهريار
تعبت شفاف السوالف ,, صار
فلّاح الشلب يشتل
ازهار
اكلت سنون المناجل ,, ايد حاصدنه
الغفت
بالانتظار
والنخل ودّع صواعيده وهجر جالي
الانهار
عافت التوقيت ,, واصوات المآذن
والربع صلّوا عله,,,,, صوت
انفجار
سولفولي عليك ,,,,,,,,,,,,لكن
باختصار
وجمعت كل المواويل ,,, بسلفنه
ولعنت كلمن ركب دينه ,,,,سفينه
وشتره كرسي بدواوين الحكومه
وصار يسلب
بالنهار
وين رغفان الشعير ,, وين ابونه
الما يبات ابيته دررهم ؟
وين صاحب
ذو الفقار
ذوله اهلنه ,,, بيوم صار الخبز حجي
لفوا التمرات ,,,,, بكشور
الخيار
صار دولاب الوكت يفتر ,,,,,,عكس
وطلعت نجوم الظهر ,, ويّ السعيلو
او طنطل الديره رجع,,,,,,,,,, يخطف
صغار
او سولفولي يا وطن لكن,,,,,,, شكول
العضّه طلعت بالجلال
الذيب يذبح بالقطيع ,, او احنه ,,
دنجمّع اصوات ونتظر منه
قرار
والسوالف ما تفيد الماله وي ربعه
اختيار