أطلق قصيدي وأتبـــع البيت بالبيت
ببروق حرف(ن) مثل قصف الرعودي

وأسوقهــــــا للــــــــي بفخره تغنيت
لراعي الوضحى زعيم الأســــودي

لجدي محمــد من حروفي أنا أهديت
بحروف قاف(ن) خالطت دهن عودي

صيته كمــا اليـاقوت لمعه كمــا الليت
يرقــا المفاخر زايد(ن) في الصعودي

ومـــن دار إبنه في كرمهـم تعنيت
مـــن حر مال(ن) بالكرم به يجودي

وعيالهم نظم الــــدرر و اليواقيت
أهل المراجـــل والكرم والنفوذي

من ســـاس أهلي بالمراجل تباهيت
(ال الحصين).... ذودهـــم كالسدودي

وإن رحت شرق القوم ثم(ن) تناديت
تلقا رماح(ن) سابقات الردودي

(ال مغيصيب).... فعولهم سكبه الزيت
نيرانهم حــــمرا كفعل الوقــــودي

وإن تنشـــد العزه فشعري ترى جيت
تلقــــــــا المفاخر في سماهم تزودي

(الصوفي) ..... اللي لمعته فاقت الصيت
فرسانهـــــم فخر(ن) وعزه وصمودي

وأذكر لك أفعال(ن) إذا ما تناسيت
أفعال قوم(ن) في اللوازم سدودي

(الصانع)...... الي من علومه تقهويت
واخذت انا الفنجال وارويت عودي

صيت الكرم فيهم و بالرحب حليت
هذي شهاده و مـا روته الوفـــودي

و (أبو عويلي) و(العوذره) وهل البيت
إسيوفهـــــم حمــرا بدم الحقــودي

و(أبو خماش) اليــوم في شعري أثنيت
بــــافعال سنعه وما عليها النقودي

و (ابن جهامه) عن خطاهم تقصـويت
لقيــــت علمن للمراجــــل يقـودي

و(أبو جليدان(ن)) في المكارم بنو بيت
بيت الكرم إليا أنعدم كل جودي

وأذكرلك أحلافي قروم(ن) وهل صيت
(إستوت) و(وحيدي)ياربع (ن) سنودي

ون رحــت فوق القوز ثمن تعليت
تلقـــا سباع(ن) جاثمات(ن) ركودي

على ظهور الحــمر .... في ساعه الميت
تلقـــا الأعادي عن لظاهم شرودي

مـــا تتقي ساعه لظاهم إذا اقفيت
تلقـــا خيول(ن) سابقات الفهودي

حنا سباع البر يـــــــا سامع البيت
(أولاد صلدم) بالمـواقف صمودي

ربعي في (سينا) و(السبع) زود خصيت
أدركت جاهي وكل علم(ن) يكودي

قومي (ترابيـــن) الفــخر فيكم أثنيت
تاريخكم بأرض العـرب له وجودي

تاريخنا شمس(ن) إذا أصبحت وأمسيت
والمجـــد يشهــــد و الـخلايق شهودي

إطيـــــور بر(ن) في سمـــاهم تربيـــت
تاريخهم يسمـــــا بفعــــــل الجدودي

ديره جدودي في ذراهـــا تتقيت
وأفديهم بروحي وأكثف جهـــودي

وسموحة(ن) يا ربع منكم إذ ا نسيت
كل العشاير في خفوقي خلـــــودي

أنتم سنادي في ظلام(ن) إذا فنيت
عزي وسيفي لا تهــاوت عضودي

قطفت أنــــا من كرمكم واستهليـت
(بال الحصين)....... ما عليكم جحودي

وأختم قصيدي في ربوعي .... وصليت
على شفيـع الخـلق يــوم الـــورودي