تويت
احلام وعصافير
جنّه صغار,, والدنيه : التزامات ,,, , ولْ ماله ظهر بيه تره يحير
يتْمونه أهلنه,, بذيجه ليّام ,,,,,,, ومثل يوسف ربينه بوحشة البير
لتسولفلي ,,عن الآه ويلاه ,,,,,,, انه عمري كضيته بقمقم صغير
بعمر مبيوك ,, ورْبينه مصاليخ ,,, بطرك احلامنه شلون العصافير
يدولبنه الوكت ,, باشكال والوان ,,,,, وجلمات البشر لسع الزنابير
نتف ريشاتنه,, مثل الحمامات ,,,,,,,, وجبناها زحف ما نكدر نطير
خلانه علج ,,,,بحلوك الايام ,,,,,,,,,, ,,,خبز ركاك ببطون التنانير
نتلكّه الصبح ,, كبل اليزرعون ,,,,, ونحلم بالشمس مثل النواطير
******************
خاوانه القحط ,, من احنه وصغار ,,,,, هاجس ليل ومرافج محاذير
ومعرفنه الشبع ,, بس احنه منكول ,,,, وسدينه رمقنه, بخبزة شعير
ايّام السلم ,, تبجي المواعين ,,,,,,,,,,,, وبالكلفات بجّينه الشواجير
طبع جمّار ,, والدنيه سجاجين ,,,,,,,,,, وكلوب الربع هورة خنازير
تعودنه الامانه ,,وحب الاوطان ,,,,,, ,,, وما بعناها بكوام الدنانير
******************
شيّعنه الفرح ,,من يوم عاشور ,,,,,,,,, وتِعلّمنه نِونْ مثل النواعير
وشِربْنه من الحزن ,,والضيم كاسات ,,,وتْسلّط علينه جبير وزغير
ولهسه الشمر ,, يذبحنه كل يوم ,,,,موش بسيف , بسنون المناشير
وبعده عيونه ,,مرافجه الدمعات ,,,,, وبضلوع الزلم ضيم المسامير
**************
هل العيد ,, وانت بعيد ما جيت ,,,,, وبقت بيبانه ترابي الخطاطير
نشدنه عليك ,, زوّار المحطات ,,,,,,,,,, وخلينه خبر يم المسايير
ومن أيّسنه من,, جيتك بهلعيد ,,,,,,,, ,صبّرنه خواطرنه بمعاذير
وقشمرنه الرمش ,,بكواغد العيد ,,,, وكلناله تجينه بعيد , الجبير
وين الله وتجينه بعييد الجبييييييييييييير
ماذا اقول للاخوة الكرام عن مشكلة اللهجات سوى عذرا ؟
ماذا اقول للاخوة الكرام عن مشكلة اللهجات سوى عذرا ؟
تعليق