قصيدة ( عايزة صبر)

محمد جابر المتولى

عضو الملتقى

تاريخ التسجيل: 05-05-2008

المشاركات: 64
- مشاركة
- تويت
#1

قصيدة ( عايزة صبر)

11-05-2008, 22:25

عايزة صبر
الحكاية (م) البداية للنهاية
عايزة صبر
لما يقرصك الكلام
أو تعوز تصرخ يا هووووووه
عايزة صبر
لما تقرا فى الجرايد
إن سعرك فى الحضيض
او تشوف الخط الاحمر
فى الجزيرة بينعى موتك
عايزة صبر
لما تصحى الصبح حاسس
انه مكسوف يحضنك
او تنام فى ليل بيرفض أحتوائك
يضربك
شلوتين وكمان يغيظك بالقلق
عايزة صبر
لما تركبك الهموم
بعد خلعك للهدوم
(م) العيال وام العيال
والمدارس والدروس
والرغيف ويا الغموس
والقروش بتطير بخار
زى مخك المهوى
من منخاوليا المبادىء
عايزة صبر
لما فى الشارع تتوه
جوه دخان الكباب
بين صقيع الكوكاكولا
والفتارين والنيون
والفلاشات اللى تعمى
والموبايل ابو كاميرا
والافيشات اللى والعة
فوق حيطان السيما ترعش
فيلم دينا وسعد يرقص
فيفى تابت فى المسلسل
التذاكر ياله خالصة
فى البوتيكات اللى تتحف
للغرام والاحترام
زالاكازيون المبجل
اللى رافع ضغط دمك
ياله صيف فى مارينا
والسارينة عالية جدا
كافى شوب وشيشة صاحية
فى ايد حريمى
وواد ملزق اسمه ميمى
فوق قزازة لونها بمبى
يندهك تلعب معاه
لو رقصت يقوم عليك
يطردك تحت الحيطان
يحبسك فى قدرة بايتة للمدمس
ياله غمس يا مغمص
ياللى مولود بالدموع
يابن ابوك المنسى
منسى وانت منسى
وناسى اسم ابوك
من شتيمة بيه منشى
جوه مرسيدس بتمشى
على ضلك
ضل بايخ وابن بايخة
كيف يمس طريق سيادته
غور بضلك
وامشى جوه الحيطة واوعى
تبص خالص
الشوارع للبنات
ظاوضة للنوم /حمامات
استريتش وجينز ضيق
كل حاجة باينة / باينة
واللى واللى واللى واللى
زى رسمى
عرى ...عرى
كل احاسيسك تقوم
(م) اللى باين اللى بان
عايزة صبر
هى حالة بنت مجنونة
ولازم تحضنك
حالة بدأت فى كيانك
واللى نادر تنتهى
هى دنيا بنت كلب
حلوة جدا
مرة جدا
تافهة خاص
غالية جدا
كوم زبالة
وبالة جدا
عايزة منك
عايزة ايه
عايزة ايه
عايزة ايه
الكلمات الدلالية (Tags): لا يوجد
عبدالوهاب موسى

بيرم المصرى/شاعر وناقد

تاريخ التسجيل: 08-06-2008

المشاركات: 400
- مشاركة
- تويت
#2

11-07-2008, 18:34

الله عليك يامحمد
أول من يصافح رائعتك الجالدة للواقع
ولى عودة
محبتى

اللهم صلِّ على سيدنا محمدٍ وعلى آلهِ وصحبهِ وسلم،صلاة
ًكماهى فى علمِِك المكنون،عددَ ما كان وعددَمايكون،وعددَ
ما سيكون،وعددَالحركات والسكون،وجازنى عنهاأجرًاغيرَ
ممنون.
فاجعل إلهى فى ثراها روضتى////فهى التى فيهاالحبيب شفيعُ.
لم يكفنى بدل لها فى بكتى//// أو فى ثرى كتبت عليه بقيعُ.

http://www.ukazelasala.net/
تعليق

قصيدة ( عايزة صبر)

تعليق

ما الذي يحدث