مشاعر قلبك الولهان
تغازلني... فتسرقني
وأمشى وراها... تحرقني
فاهرب جوا أحضانك
ف ظلمة .. وسطها حيران
*****
احبك .. اه
واحبك ليه.. مابعرفشى
ودقة قلبى ما بتتعب
يا دوب كلمة ... ترددها
بحبك موت.. بحبك موت.. بحبك موت
*****
ولما اغرق ف اوهامى
وابحث جوا احزانى
الاقينى..
ساعات بكره نعيم حبك
وبكره عينى لو حبت .. تشوف صورتك
وبكره نفسى لو حبت .. تجيب سيرتك
وبكره بكرة والماضى ..
عشان عشتك.. عشان شيلتك ..
ف قلب القلب
ف روح الروح .. ف اوصالى
*****
وبسال نفسى ليه حُبك ؟ !
وليه كرهك ؟ !
واقول يمكن عشان انت الحياة والناس
ولما الدنيا تجرحنى
الاقى الكره يسبقنى
واكره قلبك الحساس
ولما الدنيا تصفالى
وترجع ليا من تانى
وتخلص نفسى م الوسواس
ابص القاك على بالى
بتلعب بيا زى الكاس
****
فيا عمرى
وعمر العمر ... يا حبى
يا كل الدنيا والعالم
يا كل ربيع جميل حالم
بلاش لحظة تسيئ فهمى
وتعرف إن كرهى ليك
دا من حبى
انا انت
وكل الناس بقت انت
وكل الدنيا دى انت
وكرهك حتة من حبى
كانك حكه ف الجته
تريحنى من الشكة
*****
جمال نصير في 27/5/2012