يالطيف يارب لما تمشي بشوارع غزة, بتشوف شوفات ما الها اول ولا اخر, صحيح كل غزة نازلة بالشوارع, بيعملوا حالهم جايين يشتروا اواعي للعيد, كال اواعي كال!! وهما كلهم نازلين يتفرجوا على بعض, البنات عالشباب والشباب عالبنات, بس مش هذا اللي لفت نظري وبيكهرني كل يوم!!! اللي بيكهرك وبيخلي عكلك يطك حبة الشحدات اللي مليات شوارع غزة, وبيدعنلك كل دعوة لو ربنا يسمع بتصير بدل هظا تبع التفاحة شو اسمه اه "ستيف جوبس" بس كمان الكصة مش هان, الكصة انو كل واحدة منهن بتكون جايبة معها ولد صغير بيصلش عمرة 3 سنين!! يابي!!! طيب ليش هيك؟؟ عشان الناس تنخدع ومتعرفش انكن كزابات ومعكن مصاري كدنا عشرين مرة؟؟ ولا عشان ايش؟؟ ومش هان الكصة كمان!! مش احنا في عنا حكومة ما في زيها بالعالم "ربانية" لألألألأ صار زيها في مصر وتونس أنا غلطان!! طيب الحكومة مش شايفه هالاولاد الصغار كديش بتعذبوا وهما طول نهارهم بالشوارع والذبان بيوكل بلحمهم أكل؟؟!! وبيخلوهم يصيحوا بالعامد عشان الناس كال ترك كلوبها اكثر واكثر, مش عيب يا ناس هيك. ولا وين دور الحكومة في رعاية الطفولة يابن عمي؟؟
إقرأ المزيد على مدونتي