عشنا بيننا ألف عام و مبنعرفناش
و انتهينا قبل حتى ما نبتدي
اسمك آه.... باشوفك كل يوم
و ناسي أسألك .... هو انت بتحب
أصل انا بحب و مبعرفش اخبي .... اسمك آه
عشنا بيننا ألف عام و مبنعرفناش
بحيك على قدي و بطريقتي
انتي أجمل أغنية اتغنت عشان الزمن ميحرمناش
و أجمل قصيدة شعر اتقالت عشان البعد ميطلناش
تعرفي قبل ما اشوفك مكنتش بفهم أي حد
و كنت عامل بيني و بين حكايتي ألف سد
و لما كنت خلاص هابكي باشغل نفسي و املا جوفي بقصة بايخة
عن بطولتي في عز نومي عن وجودي في كل موضوع بيتحكي عن نهايتي
تعرفي أنا قبل ما اشوفك مكنتش بعرف أضحك
و لما كانوا بيقولولي تعالى نفرح
كنت باحسب الفرح إن احنا مش بنموت
و لما كنا بنبكي كنا بنبكي قد الموت
و لا واحد فينا كان بيقول الحقيقة
و لا واحد فينا كان بيعرف يفوت
بحبك و قلبي مليان بحبك بقولها بعلو الصوت
طب ما انتي شاهدة
احكي بقى عن قلبي و حبي ليه بيطول السكوت
عارفة لما كنت باحلم كنت باحلم بآه ... بيكي انتي
و لما كنت بابكي كنت بابكي ليه ... عشانك انتي
متقولش الزمن هو اللي خلانا كدة
إحنا اللي الخيانة بتجري فـ عروقنا
كل مرة تيجي يا حزن فـــ وقت مش مناسب
كل مرة بنتصدم فـــــ أعز واحد
بكام .... بعتني بكام يا صاحبي