تويت
حوار صحفي مع مرشح رئاسي
حوار صحفي مع حمدين صباحي
====================
الصحفي: أستاذ حمدين، نراك تنتقد الدكتور مرسي، فياترى لو كنت مكانه كنت هتعمل أيه؟====================
حمدين: لو كنت مكان مرسي لفتحت جميع ملفات الفساد فورًا.
الصحفي: جميع الملفات؟
حمدين: أيوه، جميع الملفات، وفورًا.
الصحفي: طيب، ازاي؟
حمدين: أجيب كل الملفات، وعندي في البيت ترابيزة سفرة كبيرة، أحط كل الملفات عليها، وافتحها واحد واحد. ولو ما كفِّتش، أستلف ترابيزة الجيران وأحطها جنبها.
الصحفي: وبعدين؟
حمدين: وبعدين أيه؟
الصحفي: يعني هتعمل أيه بعد كده؟
حمدين: أعمل أيه في أيه؟ ما خلاص! فتحت كل الملفات. هو في حاجة تاني بعد كده؟
الصحفي: نعم، صحيح. طب أيه رأيك فيمن يطرحون فكرة أن يتدخل الدكتور مرسي بتعديلات في قانون السلطة القضائية؟
حمدين: القضاء قادر على تطهير مواقعه بنفسه، بيده، لا بيد عمرو.
الصحفي: طب ما هو القضاء فيه ملفات فساد، وأنت قلت أنك لو مكان الدكتور مرسي كنت ستفتح جميع ملفات الفساد فوراً.
حمدين: طب ما أنا قلت لك هافتحها وشرحت لك ازاي.
الصحفي: نعم، لكنك قلت الآن القضاء قادر على تطهير نفسه بنفسه.
حمدين: أيوه، بيده لا بيد عمرو.
الصحفي: يعني أيه؟
حمدين: يعني أنا هافتح الملفات على ترابيزة السفرة ... فاهم؟
الصحفي: نعم.
حمدين: ... وبعدين القضاء بقى يطهر نفسه بنفسه، بيده لا بيد عمرو.
الصحفي: آه، فهمت. وماذا عن ملفات الفساد في الداخلية؟
حمدين: نفس الطريقة، ما أنا ماعنديش يا امَّا ارحميني. هتكون زي القضاء بالزبط.
الصحفي: يعني هتفتح ملفات الفساد في الداخلية أيضًا؟
حمدين: طبعًا؛ ما اهو أنا عندي ترابيزة كبيرة زي ما قلت لك. انت مش متخيل باين عليك، دي تيجي 3 متر ونص في 2 متر. يعني حاجة أبَّهة خالص.
الصحفي: آه، نعم، صحيح. وبعدين؟
حمدين: وبعدين الداخلية قادرة على تطهير مواقعها بنفسها.
الصحفي: آه، بيدها، لا بيد عمرو!
حمدين، تمام، الله ينور عليك.
الصحفي: طب وملفات الفساد في الكهرباء والمياه والمواصلات والضرائب والوزارات والأجهزة الحكومية والطيران والدفاع والتعليم والصحة والإسكان والبترول والصناعة والتجارة وغيرها؟
حمدين: زيهم بالزبط.
الصحفي: بمعنى؟
حمدين: انت باين عليك فهمك تقيل شوية. ما هو أنا شرحت لك قبل كده.
الصحفي: آه، يعني هتجيب ترابيزة السفرة بتاعتك وبتاعة الجيران وتفتح عليها الملفات، والأجهزة دي كلها قادرة على تطهير نفسها بنفسها ...
حمدين: .. بيدها لا بيد عمرو. أهو انت دلوقتي فهمت.
الصحفي: طب والنائب العام؟
حمدين: ماله؟
الصحفي: الشعب بيطالب بإقالته؟
حمدين: مالهمش حق. أنا أحترم النائب العام جدًا.
الصحفي: ألم يصدر النائب العام 17 أمر اعتقال باسمك؟
حمدين: نعم، أنا اعتقلت 17 مرة لكن مع ذلك أحترم النائب العام.
الصحفي: ازاي؟
حمدين: أصل النائب العام بيعمل لمصلحة مصر.
الصحفي: يعني اعتقالك كان لمصلحة مصر؟
حمدين: بالتأكيد، أمال يعني هو هيعتقلني زور؟ ولذلك أنا أحترم النائب العام.
الصحفي: طب وملفات الفساد اللي عند النائب العام ولم يفتحها حتى الآن؟
حمدين: الله؟ اللهم طولك يا روح! ما انا قلت لك: لما ابقى رئيس هافتحها.
الصحفي: على ترابيزة السفرة؟
حمدين: أديك فهمت.
الصحفي: طب سؤال أخير، ما الذي يجعلك تعتقد أنك ممكن تملأ كرسي الرئاسة أفضل من الدكتور مرسي؟
حمدين: أنا من قبل الانتخابات الرئاسية وانا عامل كرسي عمولة عند نجار صاحبي، زي كرسي الرئاسة بالزبط، الخالق الناطق. وحاطُّه عندي في الصالة، وكل يوم أقعد عليه خمس ست ساعات، يعني متدرب على القعدة على الكرسي أجدع من خمسين مرسي.
الصحفي: نعم، في نهاية حوارنا، تحب توجه رسالة لمين وتقول له أيه؟
حمدين: رسالتي للرئيس مرسي، واطالبه بإعادة الانتخابات الرئاسية.
الصحفي: شكرًا يا افندم.
حمدين: أيتها خدمة.
http://www.facebook.com/photo.php?fbid=296310397136270&set=a.2858640081809 09.51422.207433239357320&type=1&theater
أكثر...