دستور الشعب
********** للشاعر المصري / رشاد هويدي
شاعر الوادي
أنا موافق على الدستور
لأني قريته بالكلمـــة
ولو فيه اختلاف في أمور
دا شيء عادي ومش تهمة
وأنا فعلا حقيقي فخور
هترجع مصر ع القمة
******************
ولو قالوا عليه مسلوق
هاقول صحي مفيد ولذيذ
هيعطي لفقيرنا حقوق
وهيخلي ضعيفنا عزيز
وهيحارب دعاة السوء
وهيكيد الفساد ويغيظ !!
*******************
وطبعا الكمــــال للـــــــه
وم الآخر مافيش إجماع
وناس ضده وناس وياه
وكل فريق وله أتباع
*******************
باقول للكل قول صرّح
وقول رأيك بكل هدوء
ولا تهاجم ولا تجرّح
وسيب الحكم للصندوق
*******************
ورأي الشعب لو أيوه
لازم نسلم بيـــــه
لكن لو رأيه كان لأه
برضه راح نسلم بيه !!
*******************
ما هو الشعب في الآخر
هو اللي راح يختار
ويا ريت النخبة تتاخر
وكفاية فساد ودمار !!
******************
رشاد هويدي
شاعر الوادي