تويت
-
لا تلمني لو صار جسدي فاكهة للفصول
~~آخــــــرأنثـــى بلوريّـــــة~~
-
شكراً سليمى الرائعة
ونتمنى من الجميع الاستجابة
سأبدأ بوضع أول نص وهو التهويد الكبير
للشاعر القدير / أيمن عبد العظيم طه
هوِّد خريطة قُدسنا
إلزق مكانَّا وقُصنا
هِد الحقايق والتاريخ
وابني أكاذيبك هنا
هات جرافاتك عندنا
واهدم شارعنا وحَيّنا
وانزل بـ غِلَّك ع البيوت
كسرها واكسر قلبنا
إبني فـ جدار الهيمنة
واعزلنا واعزل أهلنا
وافصل ما بنا بسور كبير
إبنية مكانَّا وهِدنا
إعمل ما بدالك بنا
إكدب وضيَّع حقنا
واكتب علي كُل الببان
إن الكيان مولود هنا !!!
زَيف تاريخنا ومجدنا
شَـــوِّه وتَـــوِّه فِكرنا
واستولي ع الشئ الجميل
من ذكرياتنا وعمرنا
خُد كل غالي يهمنا
واسرق معالم مننا
وانهينا حتي من الوجود
وامحينا وامسح اسمنا
خُد كُل حاجة تخصنا
خُد أرضنا خُد قُدسنا
واحتل أقصانا الأمين
أو أي رمز يمسّنا
إخطف ولادنا ولحمنا
هَـــوِّد وزوِّد همْنا
عــوِّدهم ان الإنتماء
ليك انت وحدك مش لنا
شتتنا فرَّق شملنا
هددنا بَدد أمنْنا
واحرمنا من حق الحياه
والعيشة حتي فـ مِلْكنا
الكُل سابنا لوحدنا
مالناش بقي غير ربنا
أأأه يا عرب يا مسلمين
يلي فـ رقابكم دمنا
التعديل الأخير تم بواسطة سامية عبد الرحيم; الساعة 26-01-2013, 21:34.مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
-
القصيدة الثانية ( الخسيس )
للشاعر القدير / عقاب اسماعيل بحمد
قالو الخسيس مذمته استحلا = تصور ببالو كثير عم يحلا
زاد التفاهة وقلة الرسمال = رخيص و ذبابه بمخرج السفلا
واطي سفيه بتصفعه بنعال = صاح النعل ياليتني ابلا
سقف الكرامة مجد ما بينطال = النادر قليل ومطلبه بيعلا
ما كل كلمة تكون قول رجال = عيب الشنيعه واسمها نجلا
الماكر بطبعه صنعة الدجال = يوسوس شرور ويلهب الهبلا
كل سوسه وفي لها كيال = و عنترعبس يتفاخر بعبلا
التعديل الأخير تم بواسطة سامية عبد الرحيم; الساعة 03-02-2013, 00:22.مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة الثالثة ( ضحك الولد )
للشاعر القدير / محسن البدراوي
الورد فتح مبتسم
مال ع الغصون
داعب ريحانه وغربته
فكل العصور
والجدر حالف يرتوى
والارض بور...
غنى على الشجر البعيد
عصفور شريد
كان لسه واقف ينتظر
عشقه اللى بات ...محبوس وحيد
مع ان كان قفص الحديد
مزحوم باشكال الطيور...
طارت فراشات الامل
فارده جناحها بململه
سكتها كانت مؤلمه..
عتمه وضباب..ولا ضى نور
بصت بعينها المحزنه لقيت سراب
شدت رحالها فى سكوت واستخبت
فى غيابات العذاب
خافت تبات وسط الورود
تصبح فريسه ومطعمه فعش الصقور
ضحك الولد
كان مستخبى تحت حبه من الفروع
والشوك بيخدش وجنته
....لاكنه كان ولد جسور
فكر بسرعه ف الامان
وازاى ينام
لقى نفسه عايش والسلام
قال دا كلام
يادى الحياه وطبعها
مع مرّها صيفها وشتاها وحرّها
لسه عايشه تبتسم
والورد طارح يترسم
يتحدى شوكه وغربته وسط الصخور
لسه الحياه فيها الطيور
بتغنى رغم الوحده فى زمن الطابور
لسه الامل جوا الفراشه بيحتمى..
رغم الفتور
رغم التجبر والتعالى والغرور
رغم الاسود
اللى رسموا البلاد حّد وسدود
وقسموا كل العباد حسب الطوائف والحيود
خرج الولد
شق الجمود
نفض عبايات السجود
قال الصمود
صّرخ وغنى باعلى صوت
اهل الصعيد
الليله عيد
زّفة بشاير فرحته كل الوجود
سقط الخلود والفرعنه خلف الجدار
خرجت جموع الشعب صارخه لينا تار
وقع الاسد ف المصيده كانه فار
زّفة رياحين الموده ف الصدور
دخل الدبيب كل القبور
والفجر اّّدن مغتسل
كسر حيطان كل القصور
فتبسم الورد اللى مايل ع الغصون
للشمس لما نورت
لقى نفسو واقف ف الميدان وسط الريحان
فتصورت..
.ملايين كمان فارده شراعها فى سلام
واتحررت
رجع البرىء عصفور رقيق
غنى ولحن ف الطريق
اجمل كلام
شاف الحبيب فوق الشجر
والعش لسه بينتظر
باست جبينه وزقزقت
طارت فراشات الامل
فوق الزهور
حست ساعتها بالذهول
شافت صقور الظلم مسجونه
بغلول ..واتعلقت
ضحك الولد
وقال يامصر اتزوقى
فتزوقت
التعديل الأخير تم بواسطة سامية عبد الرحيم; الساعة 03-02-2013, 00:04.مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة الرايعة ( محاولات في فن شعر الواو )
للشاعر القدير / طاهر طاهر
مش كل الأمانى ممكنه مهما يكون
ولىَّ الضنى سبـب الدمـــوع ع الخد
القلب جواه الرضا يرضى باللى يكون
بكره الضنىَّ بيروح مهما ذاد ع الحــد
(2)
الشمس رغـــــم مــرواحــــــهـــا للغــــــروب
خيوطها بتنده للــوداع منين ماتـــــروح
مــــن فِـــعــــلها لاعمـــرها لحظه تتوب
ولاعـــــمــــرها رافـــضـــــه تــــواسى الجروح
(3)
تــــاه الحـلم فى وسط الطريق
مــــرسوم ع الخـــد دمعــة قلق
وسط النهـــر بيــمــــوت غـــريق
على فجـــره م الــتوهــه بيتسرق
(4)
إيـــه فـــــايــدة كُــتـــر البُــــكـــا ع الـــوطـــن
وإحــنا اللى مــن يومها مابطلناش كلام
إيـه فـــايـــدة الِـعنــاد بـــاــلقـــول ع المحن
وإحنا اللى من يومها عايشين ف خصام
(5)
معقوله نــور الفـــجــر بالضلمه إِتخـنق
إكسر قيود المعمه وإبكى من كتر الآلم
فرضوا علينا لازمن نخــاوى إللى سـرق
إصــرخ وقــــول مــــن بــعــــد ماجف القلم
(6)
آه يابــلــد ذى السما زحــمــه بالنجوم
ورغم الـــزحـــام غــــرقـــانه ف الضلام
دم الشهيد بيصرخ ع الــمـــلأ والـقـــوم
رجع شهيدى ياشعب تايـه ف الكـلام
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة الخامسة ( بطاقة شعب )
للشاعر القدير / جمال نصير
بطاقة ... شعب
خلاص يا شعب مش عايز....
...تفوق تانى
صحيح يا شعب متعود..
على الفرقة ..
على الضلمة...
وعايش وسط احزانك....
ووحدانى ..
*****
صحيح يا مصر عجزتى
وشاب عمرك...
وضاع وقتك...
وقلبك لسه ف الماضى..
ومش راضى....
يروح .. بكرة
وخايف لو يسير .. خطوة
ويبعد مرة عن جرحك
ويبعد عل كان جارحك
ويحلم تانى بالعيشة
ويصنع لو جناح ريشة
يلون بيها أيامك
ويرسم بيها أحلامك
ويفرش بيها قدامك
*****
صحيح يا شعب متغرب
رضيت جارك يكون قبطى ...
يكون شيعى ...
يكون بوذى .. و صهيونى
ورافض لو تكون مسلم .. وتتشرف
من الإسلام ... بتتأفف
وراكع بس لهمومك..
لأوهامك ...لآلامك
لقهر إتعود اللطمة ...على ضهرك
وجهل إتعود الصفعة ...على وجهك
وفقر إتعود الركبة ....على عيشتك
*****
خلاص يا شعب مش هصرخ..
ويألمنى .. أشوف صورتك
على بطاقتك كتبت اسمك ..
بخط كبيييييير (انا محمد)
وعبد الله ... وتتمسلم
وجنب اسمك .. بتتأسلم
وعنوانك .. ما لكش مكان
وظيفتك ايه .. انا عطلان
ويكفينى اكون صايع
ومتثورج
وقاعد في الميدان ضايع
ومستنى...
يجينى القرش من بره
وناس ترمينى باللقمه
وناس ديسانى بالجزمه
عشان اخرب .. واتلمع
عشان افسد ..وايه يمنع
مادام الظلم ويايا بيسندنى
عشان الشر ويايا .. يأمنى
عشان المكر والحيلة
بتنجدنى
وفيه شيطان .. يحركنى
ولا حكومة... ولا ريس .. بيمنعنى
ولا فيه شهم ينهرنى .. يوجهنى ويرشدنى
*****
خلاص يا شعب شاف نفسه ...
فى آخر الصف
و كل حضارة الماضى ... بقت ع الرف
وأكتر حاجة تبسطكم .. نقوش ع الكف
رضيت بالوقفة متلطم ... ف آخر الديل
وكل الناس بتتقدم....
وكل الناس بتتعلم
وكل الناس بقت عايشة ... و انت ذليل
ما عدش ف مصر غير كلمه (انا مصرى)
وحتى الكلمة مدبوحة ( بتدبحنى)
*****
ولما الفرصة ترجعلك
وتملك دنيتك ... قدرك..
بتتفرعن... وتتقرعن..
وتحرق كل شيئ تحتك
وتهدم كل شيئ حولك
ولسه سيادتك التافه
بيهتف فيك لسان جارح
وقلب خبيث.. وخوف طارح
بيطرح كل يوم كدبه
وناسى انه بير جافف.. مافيه ميه
*****
خلاص يا شعب متثورج....
ومتحرر..
ومتغرر ... ومتبردع
وراضى بسكة البدوى ...
وراضى بخطة القبطى ...
وماشى في سكة الحامض
وشارب خمرة السكران
بقيت مصرى .. ومش انسان
انا من حبى ليك حاقد...
ومش ندمان
*****
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة السادسة ( الست مرجانة )
للشاعرة القديرة / عايدة البوصيلي
الناس خلاص أكلوا البالوظه
وباعو القضيه
ركنوا هناااك متبعترين
يسقوا فى المَيّه
كانوا صف واحد بس
صبحوا مِية
طال الوقوف اتلعب بيهم
ولعب الورق غيه
مين يُقش
ومين يكش
ومين ينداس عليه
يااااافنديه
يامعذبين الواد
الواد خلاص تاب
ونسى الملاغيه
حلمه كان حمامه
بيضا.. حلوه وصبيه
يعدي بيها بر الأمان
وتضمه بحنيه
يرسم تبارك خطوته
يبوس كفوفها الحنونه المحنيه
لكنه لما كشف وشها
طلعت ياخلق مش هيا
خطفوها من توب فرحها
عرُّوها من تاني
يوم الصباحيه
رشوا عين فارسها
في زفته وسبوه يلطم
ينادي....ياعزيزه
ياعزيزه
أستني يابهيه
عارفك والله عارفك
انتي ناعسه أيوا ناعسه
ألأيوبيه
اعذريني ياحبيبتي
الطعنه كانت شديده
عليَّ قويه
راسي خلاص بقت ياناس
سمك .. لبن ... مهلبيه
والواد لساه مافاق
ماسك شراع الأمل
بإيد . وفى التانيه
السمسميه
عليها بيعزف غنوته
وبيمسح بيها دمعته
ويحلي باااالباقيه
ولسان حاله يدندن
الست مرجانه
ياخلق تعبانه
نمنا وسبناها
خطفتها جنيه
خطفتها جنيه
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة السابعة
يكفيك عتب .. يكفيك ملام
للشاعر القدير / حكمت البيداري
يكفيك عَتب ... يكفيك مَلام
القسوه فيك .. مُــش حَـرام
غَــدرك إِنتَ ، كان الســبب
هوا الّي جاب لينا الخِصـام
يكفيك عَتب ... يكفيك مَلام
حَبـه حَبـه .... هَـدّي الـكلام
وطّي صـوتك، دلـجرح نام
جَـرح قـلبي .... مِنــك أنتَ
وجاي تُقول .. رُدّي السـَّلام
غَــدرك إِنتَ ، كان الســبب
هوا الّي جاب لينا الخِصـام
يكفيك عَتب ... يكفيك مَلام
عَنـّي إِبـعد ... قـَـوام قَـوام
لاحُب فاضـِل .... ولاغَـرام
أرجَــــع أحبــّك أنـا .... لا
ولا حَتـى .... فـي الأحــلام
غَــدرك إِنتَ ، كان الســبب
هوا الّي جاب لينا الخِصـام
يكفيك عَتب ... يكفيك مَلام
ظـلمــك ليـّــا ســـنين وأيــّـام
قضيتّها معاك ظَلام في ظَلام
مَخـدوعـه كُنتِ فيـه ياروحـي
ضـيعتِ عُمـرِك في الأوهــام
غَــدرك إِنتَ ، كان الســبب
هوا الّي جاب لينا الخِصـام
يكفيك عَتب ... يكفيك مَلام
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة الثامنة ( صحي النوم )
للشاعر القدير / حديث الروح
لسه قاعد على شط الامانى ...... طيب قوم اتحرك مش بالتمنى
اللى كنا بنضحك عليهم سبقونا ..... واحنا محلك سر هو ايه السر
تكلمه يقولك عارف كل حاجه .... والمفهومية اصلها هنا عندنا
طيب عملت ايه المفهومية ..... اكتر من طبخة بامية وملوخية
فوقوا بقه حرام عليكم مصر ..... هضيع من ايديكم كفاية كلام
اجدادنا بنوا اجمل حضارة ...... واحنا فاكرين اللعب شطارة
شوفوا الهند واندونسيا فين ..... واحنا لسه بنقول ياليل ياعين
لو اجدادنا طلعوا شافونا ..... كانوا بالحيا خلصوا مننا ودفنونا
عدا الهزار وباقى الجد ..... اما نعوم او نغرق فى سابع ارض
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة التاسعة ( أبو كرش )
للشاعرة القديرة / مها ضرار
ابو كرّش عـــــــايـــز وِنّـش
عـَشان يشيـــل بـــــَــلاوِيــه
أَكَــل كتِــيـــــر م الــغـِــش
شوفوا بَطـــــنوا فيها إيّه ؟
ابو كــرش مـــَــاتـعَـوّدش
حــَدّ يــِقــولّـــه , لــــــــيّـه؟
و لا حَــدّ يـِقــولّـــه هِـشّ
الكـُـل يـِقـول يــــا بـيـّـه
يطاطي لُه ابو ألف وِشّ
و ابو جيب يــِـــنده عَليه
و أمـــا تـــحوّل الــــــدِشّ
كـُـــل مــَــحَطــه تــِلاقـِــيّه
و بـجدّ دَى مـا يـُقْـصُدشّ
كـُــل النـّـاس دَايــبــه فيـّـه
ابــو كِــرش مَــايــتـهـوّشّ
لــو شَـتـَمـَك قُـــو لّـه هِيّه
لــو قَــالّــك كـِــشْ كـِــشْ
سـِـيــبـُـه و عَـلِّـم عـَـلـِيـــّـه
لــو شـَـافـَــك سـَنْدَوِّتـــش
يـَـاكْـلـك لـَو كُنـت إِيــّـه
أبـو كـِـرش مَـا بـيشــبعـش
و ف بـُـوقّــه عَـايــز بـوفـِـيّه
حَاطِطْ ف رَقَبته جـَانــْـشّ
أُسْطول نَقـْـل ف إيـديـّـه
عَدّي و إِجْرّي مَاتْخَافشّ
و إوّعَـــى تِسَـــلّم عـَـلـِــيّه
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
القصيدة العاشرة ( يابتوع الغيرة الحراقة )
للشاعر القدير / عبد الكريم شكوكاني
دي الصورة بانت واتحطت
ومصر لازم تتفتت
ومش لازم تكون غلطت
ده السودان ليكم عبرةْ
والدولة الكبرى في شُبرا
دولة منمنة وصابرةْ
وصوتها يا عيني ملهوش نبرةْ
يا بتوع الغيرة الحراقةْ
الفوضى هتكون خلاقة
عالواحدة ونص ورشاقةْ
يا مصري إوعى تصحى
أو تحكي عربي بالفصحى
التهي بالفول المدمس
واشكرنا قبل ما تغمس
دحنا بتوع الحداقة
والخفة الأمريكي عياقة
يا بتوع الغيرة الحرّاقة
واهجم عبتوع الطوابير
وبدلهم ببتوع أزمير
إي يعني عملوا العبورْ
أو كانوا الجيش المنصورْ
وحرروا سينا والطور
دول ميحبوش الحريةْ
والشغب بروحو الثورية
ومانعين الفوضى الخلاقة
يا بتوع الغيرة الحراقة
همَّ تلاتة يا أخونّا
جيوش بتحمي عُرْبَنّا
الجيش المصري والسوري
والعراقي تشتت والدوري
ولينا بالسوري من شهورِ
أتعبنا ..ده مشحون بالطاقة
يا بتوع الغيرة الحراقةْ
ساعدونا نهدّوا للمصري
نخليه يبقى جيش عصري
بجرافة وبدلة وعياقة
يا بتوع الغيرة الحراقة
الفوضى هتكون خلاقة
يا مصري يا بتاع العوزة
الميّة نبدلها كازوزة
وابنك حنعزّو بالموزة
دي حلوة وطعمة ولزّوزة
بهداوة وبدون خناقة
يا بتوع الغيرة الحراقة
الفوضى حتكون خلاقة
عالواحدة ونص ورشاقة
مــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
تعليق