تويت
قنابل غاز.
خرطوش و ملوتوف
خرطوش و ملوتوف
سحل و ضرب كمان
سلميه خلاص .راحت في خبر كان
كان فيه ثائر بيحبها
وقف في وش النظام بإسمها
رشوه بالميه وهو بيصلي
سحلوه . فقعوا عينه .
وسط الميدان قتلوه
وسط الميدان قتلوه
شرب التراب من دمه وارتوى
راح النظام وسلمها لنظام
سلميه قالت مفيش مشكله
صوتي محدش هيقدر يحبسه
عسكر الجيش مننا
سلميه فضلت صاحيه
مستنيه شمس بكره المتبسمه
طلع النهار خرجت ايدين الغدر
و الدم سال
و الدم سال
زرع الشوك والدمع في العيون
ما بين عويل أم على ابنها
و أخت على أختها
و أخت على أختها
سلميه خرجت تجري وسط الميدان
تصرخ يسقط حكم العسكر
وقعت قصادها بنت بعبايه متكبسنه
مدت ايديها تساعدها
خطفوها . سحلوها . عروها
سلميه صرخت...
أأأأه يا مصر
أأأأه يا مصر
راح النظام وسلمها لنظام
سلميه فرحت قالت كدا تمام
في الميدان وقف عنتر زمانه
أقسم . وعد بتحقيق كل الأحلام
هتف الغلبان وصقف الجعان
أقسم . وعد بتحقيق كل الأحلام
هتف الغلبان وصقف الجعان
وغنت الجماعه محلاها عيشة النهضاويه
سلميه راحت تدور على حق الولد
في الجلسه قال القاضي براءه
اصله مشفش قتيل في الورق
سلميه صرخت
اسألوا الرصيف و تراب الأرض
خرجت تنادي ....
لكن صوتها على الحدود اندبح
كام قتيل وكام جريح
أأأه يا مصر
من قتيل لقتيل . من جريح لجريح
ساكنك عزرائيل ولا شراره بعينه صابك
من الإتحاديه لقطر الصعيد
الموت ما بيفرق بين طفل و كبير
اللي قعد على الكرسي
قعد خلاص ودلدل رجليه
مصر في عينيه جماعه. مرشد و شاطر
و المعارض ملوش دعوه بيه
سلميه تاهت ما بين غلبان
وجبهة انقاذ نفسها في كرسي وسلطان
سلفي . أخواني و مشايخ و إعلام
على الفضائيه وفي الميدان كمان
على الفضائيه وفي الميدان كمان
كفروها و قالوا عليها دي بنت حرام
ظبطناها ماشيه مع فلان
و متصوره مع علان
و متصوره مع علان
سلميه كان نفسها
في توأم يكون من دمها
تسميه الأمن و الأمان
خطفوا منها حلمها
و قصاد عينها قتلوه
و قصاد عينها قتلوه
سلميه راحت و راحت أيامها
مش فاضل منها غير قله مندسه
بين صفوف الغضب بتحاول
تخطف سلاح من إيد عايزه تدمر
تزرع الأمل في قلوب نفسها تعمر
يمكن تلاقي وسطهم عريس
يكتب عليها و يحقق حلمها
تحبل في توأمها و يتحقق أملها
ويكون ميلادهم نهضة لمصرنا
يعيد مجدها و أمانها و أمنها
ويكون ميلادهم نهضة لمصرنا
يعيد مجدها و أمانها و أمنها
خربشات بقلمي من وحي ما يحدث الأن في وطني
2/2/2013
2/2/2013
تعليق