تويت
بلملم فيك وطن تايه
للشاعر/ هشام فتحي
بلملم فيك
فاضل حته
كمان ع السكة كام جثه
وعند القصر يا وطني
سهام وسيوف وكام طلقه
وكام مولود بيتكفن وكام طفله
فاضل يا عين حوالي النيل
كتير لمه
جنازة وسوق وكام زفه
وحاجة لسه في اللفة
ما بين الخُطّ نخنوخك
وبين (شطه) وبين(كمبه)
بلملم فيك
وطن ننساه ونفتكروا
نقطع فيه ومش داري
ما بين القصر والمترو
فاضل دقة
وحلم هناك واقف حاير
عايز فوقَه وكام زقه
بلملم فيك وطن تايه
ما بين شوطين لعب كوره
وراح في الزحمة يتعاتب
ويكتب كلمة من سطرين
لا يعرف أصل ولا صورة
وطن يا عين بيترقص
على الكورنيش
وناس في بيوته منحورة
بلملم فيك على صدري
وأضمك تاني في الصورة
أتاري وأنت مش عارف
بتحرق قلبي بالدوسة
وأقول بوسة!!!
يا محروسة
وياخد الموت
ولادي تحت مقطورة
بلملم فيك على حدودك
زنادي قال ورا مني
وجودي رهن بوجودك
وقفت سنين على بابك
قتلني الصبر وإيه يعني
ما أنا مصلوب على وعودك
بلملم فيك
وطن يا ناس بيتبهدل
ويوم ورا يوم
بقاله كتير بيتبدلْ
وطن بيعيش على الصندوق
بكام سلفه
ولقمةعيش
ف قعر السلة والقفه
بإيد طفله
وهوّ سنين كان الأولْ
وطن عمّال بيتغيّر
يمين وشمال
من المجاريح بيتّميّلْ
بلملم فيك
تكون في الدنيا دي الأول
بلملم فيك
ومهما يكون لازم ترجع
تلم ولادك التايهين
يهون الصبر يوم ترجع
ترد الهيبة للميادين
تغني كتير وأنا بسمع
بلاش الغيبة يا غالي
دغيبتك يا وطن توجع
بلملم فيك
ما بين الحلم والمخدع
عشان خاطري
عشان خاطرك
لازم ترجع
أبو خلاد/ هشام فتحي
للشاعر/ هشام فتحي
بلملم فيك
فاضل حته
كمان ع السكة كام جثه
وعند القصر يا وطني
سهام وسيوف وكام طلقه
وكام مولود بيتكفن وكام طفله
فاضل يا عين حوالي النيل
كتير لمه
جنازة وسوق وكام زفه
وحاجة لسه في اللفة
ما بين الخُطّ نخنوخك
وبين (شطه) وبين(كمبه)
بلملم فيك
وطن ننساه ونفتكروا
نقطع فيه ومش داري
ما بين القصر والمترو
فاضل دقة
وحلم هناك واقف حاير
عايز فوقَه وكام زقه
بلملم فيك وطن تايه
ما بين شوطين لعب كوره
وراح في الزحمة يتعاتب
ويكتب كلمة من سطرين
لا يعرف أصل ولا صورة
وطن يا عين بيترقص
على الكورنيش
وناس في بيوته منحورة
بلملم فيك على صدري
وأضمك تاني في الصورة
أتاري وأنت مش عارف
بتحرق قلبي بالدوسة
وأقول بوسة!!!
يا محروسة
وياخد الموت
ولادي تحت مقطورة
بلملم فيك على حدودك
زنادي قال ورا مني
وجودي رهن بوجودك
وقفت سنين على بابك
قتلني الصبر وإيه يعني
ما أنا مصلوب على وعودك
بلملم فيك
وطن يا ناس بيتبهدل
ويوم ورا يوم
بقاله كتير بيتبدلْ
وطن بيعيش على الصندوق
بكام سلفه
ولقمةعيش
ف قعر السلة والقفه
بإيد طفله
وهوّ سنين كان الأولْ
وطن عمّال بيتغيّر
يمين وشمال
من المجاريح بيتّميّلْ
بلملم فيك
تكون في الدنيا دي الأول
بلملم فيك
ومهما يكون لازم ترجع
تلم ولادك التايهين
يهون الصبر يوم ترجع
ترد الهيبة للميادين
تغني كتير وأنا بسمع
بلاش الغيبة يا غالي
دغيبتك يا وطن توجع
بلملم فيك
ما بين الحلم والمخدع
عشان خاطري
عشان خاطرك
لازم ترجع
أبو خلاد/ هشام فتحي
تعليق