مصرنخلة

والاكلمة والا نظرة
مصر عالية غالية
ثابتة، قويه

اهلها للقضيه
شايلنها بالسواعد العفية
مش مجرد كلمة
او عيون حلوة وندية

مصر اصلا بندقية
لما تغضب هي نخلة
تقدر تصد اي ريح عتية
تقدر تهز اي جبل مهما كان

والقرار كلمة
ليها الف سكه للسلام
يا نخلة هزي القضية
اطرحي نوايا الصدق والحنية

مصر متموتش
مصر نخلة لا تنحني
ولا حتي لحظة تنام
وتنكسر

مصر صابرة بس قادرة
مصر بكرة وانهاردة
فعلها واضح وكامل
وولادها اصل المنابر

مصر جنة
ضمت كل المحاسن
نخلة اعلاها مثمر ورامي
الدنيا منها تكبش وتاخد

تمتلك اصل مفاتيح الخزائن
ويوسف في قلب ناسها
اصل الامانة

مصر ام كل مصري
مصر حضن لكل مصري
لما يبقى النور في ازمة
وتبقي الرؤية
عتمة في عتمة
قناديلك في قلوبنا
نور يلالي

السواقي بتطرح حياة
من قلب طينك يا عزيزة
ارويني وشبعيني
واملي جوفي
وكملي حديثي
واصبري يا
نخلة اصيلة