حبرالورق

***

عـ الوشوش
اترسم وشم الآلم
غنينا النشيد
اتسمع نشيج
واتمنت الخطى
تمشي خطوة
خطوة واحدة حتي لورا
ترتاح في قعدة مصطبة



أبتدا التعب
من الف سنة
انهارت منابع الاوردة
وفي مكانها اتحجرت
اتبخرت
عـ الاسفلت باتت
حكاوينا المتلخبطة
والحواري والشوارع
حتي الميدان
في رحابه قام الشهيد
من مطرحه



رفض الشهيد الحي الكفن
وارتدي العلم
غني من غير النفير
خرج الغنا مـ الحنجرة
شايل تاني كفن

واترسم
عـ القلب وشم الالم



الدم كان اثر
من آثار الملحمة
اللي دايرة في عيون
ليالي مِضلمة
مفتوحة استارها
ولِساها دايرة
والعيون تاهت
في الحروف الملخبطه

انسد باب النجاة
وباب الاغاثة انقفل
المطرقة على راسي
في كل ثانية
نازلة زلزلة
الحلم انتهي
واتسودت ايدينا
بحبر الورق