تويت
الحقونا يامسئولين حوشوا زحف المجرمين
بالسيوف بالخناجر عصابات متجمعين
فين بلدنا فين القانون فين رجال الدين
الى بسمعوا بالجريمة واصبحوا متفرجين
انحراف فى الشوارع اغتصاب او كمين
امتى مااسمعش ياناس احترس من النشالين
امتى نمشى فى الشوارع منلئيش متسولين
امتى ترجع الحقوق للشعوب المطحونيين
المزارع والمصانع دول يوماتى شغالين
والنتيجة ان الشعوب من خيرهم محرومين
والى ضيع الحياة فى اللوايح والروتين
والنهاية عاش حياته من كبار المديونين
ناس بتسهر الليالى ناس بتتغرب سنين
لجل يجمعوا قوت عيالهم او يعيشوا مستورين
ناس بتسهر فى الملاهى والنوادى سكرانين
امتى يعرفوا او يحسوا بالجياع العريانين
ناس بتنفق على الشيطان على اليتيم ممسكين
معدومين من الانسانية لا حياء ولا دين
تعليق