تويت
لأني مغرمة بشريط الإهداءات و أتابعه ,, أما لمعرفة أخبار الأعضاء أو لمتابعة ما يحدث في الملتقى .. ليس من باب الفضول لاسمح الله .. فلست فضولية أبدا أبدا .. لكنه من باب الفضول لا مؤاخذة
و الغريب أني لا أكتفي بقراءة تعليقات الأعضاء على الشريط .. بل تعمل مخيلتي على صناعة فيلم سينمائي
بشريط إهداءات خاااااص جدا
من فضلكم سامحوني أنا مش حقدر أدخل الملتقى اليوم عنك ما دخلت يا أخي .. أحنا أصلا مش حنلاحظ غيابك .. لعميد الملتقى .. الرجاء فتح صندوق بريدي عشان مغلق أنا كل يوم أجيب لكم نجار يفتح صناديقكم ؟ جتكم القرف اللهم أرنا فيهم عجائب قدرتك بتدعي على مين يا أخ ؟ لا أبدا أنا بعطس بس روح أعطس بره يا حبيبي ,, مش ناقصين ميكروبات هنا ما تشوفوا لنا حد يعقم الملتقى .. و لا ناويين تجيبوا لنا الأمراض ؟ أنا مخنوقة .. مخنوقة و محتاجة أفضفض معاكم ع الشريط و الله ما فاهم .. ده شريط إهداءات و لا شريط منغصات ؟ ما تقفله يا عم العميد و تريحنا من وجع القلب ده كلكم مطلوبين أهربوووووو ,, فيه كابسة ع الملتقى طول عمري شاكك في المكان ده و ياما ناس بلغت عنه يا جماعة أنا قصدي كلكم مطلوبين للغرفة الصوتية و هي الغرفة فتحت فرع مباحث هنا ؟ مش عارف ليه مش مرتاح للملتقى من يوم ما سجلت فيه سجل خروج و ريح نفسك و ريحنا يا أخي .. أيه الرزالة دي فااااااااز فاااااااااز فااااااااااز و العاقبة عندكم في المسرات هو مين اللي فاز .. عشان بس نبارك و نهني ؟ بصراحة مش عارف بس فيه حد فاز هنا في المسابقة قلنا المكان ده حيرفع لنا الضغط محدش صدقني أهديك من قلبي وردة .. و من عيوني دمعة .. و من كفي قلم يا سيدي ع الإهداء .. و يا ترى قلم سخن و لا قلم رصاص ؟و إلى اللقاء
تعليق