الفجر اللى بينقر راسه
والحلم اللى متخبى فى صدره
عشعش وهم وافكار
فارد قدامه عمره
متشعبط على مركب بشراع
محفور على ضهره عاصى
بيبحر ساكت قرفان
راكب احمار طموحه
متعلق فى احبال ضميرة
سرسب منه الخوف وطار
عاكش وقته وبينعى نصيبه
وبيشهق صدره مرار
بيحلم يبلع ريقه
تعابين بتنهش جلده
والنظره بركان ونار
مدهوش من ساعة الرغبة
والشفق بداية الليل
مسكن قلبه فى حفرة
ويكحل عينه بدمعة
ويخبى حريق أيامه
ويضفر وشه ضفاير
وبيصهل زى الخيل
من درب النفس الطالع
مداح ويغنى يا ليل
ويخندق عمره بكلمة
ويرحل عريان فى الغيم
فى تابوت الشك بيحلم
والذكرى زاده ياويل
عفريت الصورة بيضحك
ويغنى ؛؛؛؛؛؛؛؛ويرقص
تتبخر منه الصورة
ويفر الحلم يا عين
يشمع قلبه بشمع احمر
ولا زم يمحى ضباب العين