تويت
شدي حيلك..
و خديني جوه حضنك
وحشني أمنك و أمانك
وحشتني حنية شمسك
و إيدين ولادك السمرا
وهي بتبني و تعمر
شدي حيلك
خلي حيلي بيكِ ينشد
و حلم كل خاين فيكِ ينهد
كداب بيقول بحبك
و هو فيكِ بيهد
في شهادة ميلاده مصري
و هو في الأصل خسيس
على حيطانك واقف زي الوطاويط
عايز يمص دمك و دمنا
شدي حيلك بقى
و شديني معاكِ م الضلمة
تعبت من كتر البكى
وشابت في عيوني النظره
جرحك كل يوم بيوجعني
و وجعي في عيون عدوي نصره
شدي حيلك و خديني
رجعيني و أرجعيلي من تاني قوية
عمرك ما كنتي جبانه
عمرك ما كنتي ضعيفه
و التاريخ يشهد عليكِ وعليا
شدي حيلك
مدى دراعاتك و خدينى
من سكوتك و سكوتي
خرجينى
البحر صحيح غريق
لكنك أقوى منه
إعلي فوق كل الأهات
رجعي البسمه
للعيل المدبوح عياط
للقمر المخنوق من الدخان
لنهار بكره
لاجل ما تطلع شمسه متبسمه
شدي حيلك بقى
فات آوان البكى
اللي راح راح خلاص
واللي جاي هو الأساس
و حلمي المدفون جوه كراس
على أرضك ح أرسمه
و لو ملقتش في الكون الوان
بدمي ح لونه
و خديني جوه حضنك
وحشني أمنك و أمانك
وحشتني حنية شمسك
و إيدين ولادك السمرا
وهي بتبني و تعمر
شدي حيلك
خلي حيلي بيكِ ينشد
و حلم كل خاين فيكِ ينهد
كداب بيقول بحبك
و هو فيكِ بيهد
في شهادة ميلاده مصري
و هو في الأصل خسيس
على حيطانك واقف زي الوطاويط
عايز يمص دمك و دمنا
شدي حيلك بقى
و شديني معاكِ م الضلمة
تعبت من كتر البكى
وشابت في عيوني النظره
جرحك كل يوم بيوجعني
و وجعي في عيون عدوي نصره
شدي حيلك و خديني
رجعيني و أرجعيلي من تاني قوية
عمرك ما كنتي جبانه
عمرك ما كنتي ضعيفه
و التاريخ يشهد عليكِ وعليا
شدي حيلك
مدى دراعاتك و خدينى
من سكوتك و سكوتي
خرجينى
البحر صحيح غريق
لكنك أقوى منه
إعلي فوق كل الأهات
رجعي البسمه
للعيل المدبوح عياط
للقمر المخنوق من الدخان
لنهار بكره
لاجل ما تطلع شمسه متبسمه
شدي حيلك بقى
فات آوان البكى
اللي راح راح خلاص
واللي جاي هو الأساس
و حلمي المدفون جوه كراس
على أرضك ح أرسمه
و لو ملقتش في الكون الوان
بدمي ح لونه
تعليق