يا مصر ما تزعليش *** شعر جمال الزغبي جمال باشا
يا مصر ما تزعليش
هتعدي الازمه ونعيش
بس اهدي ماتبكيش
دموعك غاليه يا سمره
بتلسع قلبي كالجمره
تغور الدنيا يا امي
بس انتي متزليش
ادي الحريه عاشوها
من بعد الذل ذاقوها
يارتهم بس فهموها
ويتفاهموا ميتشاكلوش
وابو دقن ماشي في سكته
ولاحد قابل خلقتة
فرحان يا خويا بقعدتة
تخرب ما تعمر عزبته
واهم حاجه حاشيته
والباقي دول ما يهمهوش
حزب تانى زي اللى فات
بس بدقون
والغريبه كان لسه طالع م السجون
والعجيبه عنده شعره م الجنون
واللي زيه للرياسه مينفعوش
ياعم لملم هدمتك
اياك فاكرها عزبتك
بلاش تطاوع فرقتك
وان كان لمصر حنان في قلبك
غير طريقه لهجتك
وسبها وارجع دنيتك
احسن هتبقا اخرتك
زي الى قبلك ما ارتحوش