يا مصر يا كبيرة

شعر ، ماجد كمال أبادير

عضو عامل باتحاد كتاب مصر

لا هتكوني علي كيفهم
ولا عايزك علي كيفي
ولا ف عز انتصار الصيف
راح اقدر البسك شتوي
ولا ف عز الشتا هرضي
لحد يلبسك صيفـــــــــي
لا هتكوني علي كيفهم ... ولا عايزك علي كيفي
كبيرة انتي .. واحنا صغار
نموت احنا وتبقي عمـــــــــــار
يا سمرا .. والعيون ليــــــلي
يا ست الدار
ومين يقدر يمسك يوم
ولا يعفر هواك عفــار
راح اقلع خوفي يا امايه علي عتابك
وهـ صبح نار
وابعتر اسمي ف سماكي
وارش الشر بحروفي
ولا تكوني علي كيفهم .. ولا عايزك علي كيفي
يقولوا زي مايقولوا
د ياما كلام .. عليكي يا مصر يوم اتقال
ما نال منك كلامهم يوم
ولا نالــــــــــــــــــــوا
ولا عمرك ضعفتي يوم
ولا طالوا
يخلوا عنيكي يوم تدمع
ولا نجمك يبطل رغم اكاذيبهم في يوم يلمع
ولايمحوا ضياكي الشمس
برغم الغيمة والعتمة
وقادرة برضه وتشوفي
ولا تكوني علي كيفهم .. ولا عايزك علي كيفي
يا واسعة والبراح خيرك
يا حاوية للبشر والطير
ما بيلم اختلاف غيرك
ياحاضنة للولاد والغير
ولا يوقف ضيا سيرك لعين اغبر
ولا يقسم صفوفك سيف
ولا أخطر
ولا يبعتر ولادك طيف
بغيض اهطل
بيستكتر
عليكي الخير
ولا باجري لغير حضنك
وارمي عليه يا ناس خوفي
ولا تكوني علي كيفهم
ولا عايزك علي كيفي
........................
........................