تويت
انا ماشى على الهامش
لا انا مفتَّح ولا رامش
تايه فى السنين مطحون
وميت بس أهوه عايش
لا انا مفتَّح ولا رامش
تايه فى السنين مطحون
وميت بس أهوه عايش
-
-
شو فينا شاطرين نقول
كنا وكان يا زمان
خلينا نقدِّم برهان
إنّو فينا لسَّه الإنسان
تعليق
-
نامت قوالب كتيره قامت مكانها نصاص
وانا ماشى زى الساعه وعقربى رقاص
بتعب بجد وجهدى بيعود على غيرى
ياكل وينهب خيرى ولدمى ليه مصاص ؟؟؟
تعليق
-
صدى صوتك سمّع الجدران
فبكتْ من كتر الظلم والبهتان
فيا عيني متغفيش تاني
ما دام الغيط بقى بستان
وعجبي عليك يا إنسان !التعديل الأخير تم بواسطة لبنى علي; الساعة 28-03-2013, 16:34.
تعليق
-
حب الوطن في القلب راسي
وضي العلم في العين والراسي
يا سلام لو نتوحد
في حبه يا أهلي وناسي
أهلا وسهلا بأخوتي وأخواتي :
أ. لبني
أ. جمال عمران
أ. أيمن
أ. محمد فتحي
ومرحبا بمداخلاتكم الرائعة ...
فائق التحايا ....تعليق
-
سنين عدَّتْ والكلامَ هو الكلامْ
تاريخ مجيد .. رَفْرَفْ يا حمام
والطوفان يا إخوَنّا هو الطوفان
لكن عِمينا واتلعب بينا أَوامْ
تعليق
-
ياما فيه كتير أفكار محبوسه فى الأدراج
والهم كان دمِّـل أصبح كده خًـرَّاج
بيرفعوا الهلفوت والمبدعين فى تابوت
وادى الحياء بيموت ومعدش فيه إحراج
تعليق
-
جتنا ليالي العيد متأخرَهْ
فإيه يا إخوّنا اللي جرى
أهو ده عتاب أم رمشة غياب
ولا احنا اللي نمشي غَنْدَرَه !
تعليق
-
هاكتب اللى جوايا بصدق وجد
واطلع اللى فى حشايا لأبعد مد
أضفّر م الحروف مدفع يقول الحق
ويهدم قلعة الظالم ويبنى المجد
تعليق
-
دمعة وليد حارت فيها العقول
أهوّه بسمة أم حزن مجهول
فيا ميلاد النّوى والسيول
خليك لنا فرحة القلب الخجول
تعليق
-
ليه شكلى عامل كده قوليلى يامرايا
وشى كتاب مفتوح والجسم برايه
نظرات عيون الغرام سابت ف قلبى الم
وكل سن اتقصف ساب نقطه جوايا
تعليق
-
هاكتب عن فن الرباعية
واقول للناس الحلوة ديا
الشطر الأول والتاني والرابع
ياصحبي متفقين في القافيةتعليق
-
تكتب قافية تكتب حر
قلمك أدبك انت حر
عِلمك لازم في الكلمة
يفيد اللي يقرا أو يمر
أهلاً ومرحباً بقلمك وابداعك الجميل
الشاعر والأديب الراقي / محمد فتحي السيدمــن دمــوعــي تــرتــوي الذكريــات
مــن أنينــي ينحنــي جــذع الأهــات
لا تسلْني هل مضى العمر استــراق
إنــنــــي حــلـــمٌ بــــــلا مــــــأوى وزاد
تعليق
-
بانشكح لما اقرا اشعارك يافتحى ..
امدحك وتستحق طوول مدحى ..
واللى اكتبه لو أقارنه بأقل أشعارك ..
يقولوا انا باردح ويهجوا من ردحى ..
....................
توضيح
العبد لله يكتب كنوع من المشاركة فقط وليس كمتسابق ..وهذا دأبى من زماان كنت اكتب كنوع من التواصل فقط مع احبائى واخوتى ..
لذا لزم التوضيح ..
مودتى وشكرى للشعراء هناالتعديل الأخير تم بواسطة جمال عمران; الساعة 29-03-2013, 13:05.*** المال يستر رذيلة الأغنياء، والفقر يغطي فضيلة الفقراء ***تعليق
-
والشطر التالت مختلف
والفكرة تامة وتئتلف
خليك صاحي للكلام
بلاش يكون كلامك بعيد ومنحرفتعليق
تعليق