تويت
انا المسلم يا احبابي
مانيش مجرم وارهابى
مانيش قاتل ومتخفى ... ورا دقنى وجلبابى
مانيش نايم ومتدَّفى ... ورا جهلى وأسبابى
مانيش غايب عن الدنيا ... ولا مَلِّكتَها غيابى
مانيش غافل عن الدنيا ... ولا قافل لها بابى
مانيش عالة ومسترخى ... ولا سلبي انا ايجابى
انا التاريخ بيشهد لى ... وحُسّادى وحُسّابى
انا الأمجاد بتعرفنى ... مابتغرِّش بإعجابى
انا اللى فتحت أبوابها ... بأخلاقى وآدابى
لا انا طعان ولا لعان ... ولا فاحش ولا نابى
انا العالِم انا الحالِم ... انا الداعِم لطلابى
انا الشاعر انا التاجر ... انا الذاكر لوهابى
انا الرازى وانا مسلم ... وانا البيرونى والصابى
انا شوقى وابو نواس ... وحافظ ناجى والشابى
انا السنى وانا السلفى ... وانا الإخوانى وهابى
انا المُسلم يا احبابى
انا المسلم لـ توابى
انا الزهرة اللى بتعطر ... وبتعمّر وبتحابى
انا الملكوت بيحسدنى ... على مكتوبى وكتابى
انا الجنات بتتمنى ... ينور ضلها كعابى
تعليق