شلى في قلبي


يا الدايزين شوفو المهموم في همو
هذا قلبي و هذا غمو
سمعو ليا وحكمو
قلبي من زما وصيتو بالصبر
حتى يبان الحق من المنكر
ويزول هاذ السقام و الضر
و اليوم نعاود نوصيه ونكرر
سمعني و خوذ كلامي مبدا
راه الدنيا دايزة هكذا
والجديد ما بقالو جدا
راه بحال اليوم بحال غدا
سمعني و فهمني بعدا
راك من زمان أقلبي ما باغي تسمعني
و من زمان ما باغي تفهمني
****
****
كيف اليوم كيف البارح
ديما فهمومي سارح
وفيها........راني فالح
ماعدت نفرق بين الخايب و الصالح
وما لقيت دوايا لا فمسوس و لا مالح
كيف اليوم كيف البارح
يا صاح ... شحال فيا متنصح
يا صاح...قلبي تعود على القرح
يا صاح ...قلبي نسا الفرح
يا صاح... ما بيدي سوارتو
يا صاح... ما عدت نفهم لوغتو
سمعو يا الدايزين هذي حكايتي و حكايتو
نمنى تكونو فهمتو
وبالعدل حكمتو