تويت
قالى اسف اشعارك خارجه
قولت دى مشاعر بتعربد جوايا داخله وخارجه
ده كلام جوايا بس
اعتبره جن لقلبى مس
ده شويه حبر على ورقه اندلق
اهات قلبى اللى من الشوق اتحرق
يقرا ويقرا
ولسانه يقول
اسف اشعارك خارجه
قولت ما انت بتوثق عقود جنسيه
لا فيها حب ولا حميميه
قولت ما انت بتوثق اراضى
سرقنها ناس من ناس وراضى
يقرا ويقرا
ولسانه يقول
اسف اشعارك خارجه
قولت ايه هو اللى خارج
بوسه حضن وكام قصيده
قلوب بتواجه الظلم وعنيده
جسمين متفرقين بس الروح وحيده
ولا طفل جعان حلمه صميده
ولا اب من فقره باع الحديده
يقرا ويقرا
ولسانه يقول
اسف اشعارك خارجه
قولت فين هو الضرر
قلبين ووصلوا القمر
نصين وكملوا من بين البشر
حب قدامه الشر انتحر
ولا شعب ممشينه بالعصايه والجزر
ولا دم محللينه وقالك الدين انتصر
يقرا ويقرا
ولسانه يقول
اسف اشعارك خارجه
قولت ادينى اماره
ما انت حامى للدعاره
كهل نايم علصبيه
والمشايخ عصبجيه
لاغتصابه مبررين
بلفلوس متنعمين
ده مفيش شهوه مستعصيه
وكله بالشريعه والشرعيه
انا حبى مرفوض علورق
وموثقينه فى السرير
متحرم كتابته عليا
ومحللينه فعل للحمير
قالى كل ده كلام جميل
ميقولوش غير الجميل
اعملى فيا جميل
اكتبى الحب وارميه للنيل
اسف اشعارك خارجه
رقيه عز الدين
تعليق