تويت
((سيب قفايا لقطعك تقطيع !!))
وانا ماشى فى حالى فى وسط البلد شوفت لمّة وجمهرة من الناس وواحد حاطط إيده على قفاه
وبيصرخ فى وش واحد قدامه (مش حاطط إيده على قفاه) وبيقوله:
للمرة العاشرة أنا حسيبك المرة دى كرامة ومحبة للناس الحلوة دول لكن قسما بالله قسما بالله
لو كررتها وضربتنى تانى بكرة على قفايا
عارف لو ضربتنى بكرة على قفايا حقطعك تقطيع واخلّى اللى مايشترى يتفرج ..
أظن عدّانى العيب يابشررر، وإذ فجأةً رفع الأخ التانى إيده بسرعة وقوة
وهوووبّ على قفا الراجل اللى كان بيزعق وهنا اتكهرب الجو وترقبت انا والناس الموقف
وتوقعنا طبعا كارثة حتحصل أو أقلها مصيبة ودم للركب فى الحالتين..
قووم إيه مسح أخينا قفاه بإيده وكشر عن أنيابه ومصمص شفايفه
ورفع السبابة فى وش الضارب وقاله بعصبية صارخا /
يعنى ياخويا مش صااابر لبكرة!
خلااااص.. إيدك بتاكلك ولا عشان انت عارف ان أنا راجل بحترم كلمتي
من زمن الزمن
ولما اقول بكرة يعنى بكرة ومش حتهووور وارجع فى كلامي واهز صورتي قدام الخلق دى كلها
عشان واحد جبان فَسْلْ زيك يلا ياحبيبى يلا اتكل على الله اتكل على الله من قدامى بقى
عشان مااتغاباش عليك ويقولوا عليا بفتري على واحد غلبااان ..
ماشى يابا يلا يلا انزاااح غوووور .. إتقى شر الحليب إذا قلََب يابا.. (وفيما
ينصرف الناس فى دهشة وضحك مكتوم ومعلوم
لمحت فى عيونه دموع تلمع على وشْك النزول
!!!
تعليق