رباعيات شاعر عامي

**على قابيل** · 04-05-2013, 23:18

أنا جيت ألملم فرحتى، وأغزلها توب للناس
ملّيت.. وجيت أعترف إن الفـــــرح إحساس
يامهربيــــن الإبتســــام من فـــوق شفايفنـــــا
شـــاعر وواعــر قوي من نبع ميت عســـــاس

**على قابيل** · 04-05-2013, 23:21

الثورة قامت زلزلت بنيان وطـــن مجروح
فَجر الحنين حريتي، وحياتي طعــم البوح
إصرخ ياشاعر بالوجع قصة جراح روحك
وإلضُم خيـــوط الفــرَّح جوانا فين ماتروح

**على قابيل** · 04-05-2013, 23:25

لِساني برسم عشانِك كل يوم فى الحِلم امنية
انتى النسيـــــم والأمـــل بالضحكة مصــــرية
حالف ألف الوجــود، وأرجـــــع أدوب فيكــي
جوايا صرخـة حنيــــن رافضة تمـــــــوت فيا

**على قابيل** · 04-05-2013, 23:27

ياصرخة اللى إتوئد ميـــت فى توبه الـدم
محكوم عليه الولد ياكله التراب من الهم
ياهل ترى ياتاريخ راح تـــــــذكر الأبطال
ولا انت طبعك بَشـر تسقي الورود بالسُم

**على قابيل** · 04-05-2013, 23:28

رافض أقول البلــد صحيت على ثـــــورة
قوم وانتفض ياقلم حرك ركودي حروف
زلزل كيان الوطــــــن وارفع رايات حُرة
لبسني توبك شهـــادة بتبتسم وتشــــوف

**على قابيل** · 14-05-2013, 21:27

اكتــــــب كلامـــي، وايامي بتتهجى الأمــــل فيا
وارســم حــــدود للوطـــن، والدمــــع فى عينيا
يامقلبين الوجـع ومتوهين الضحكة فى عيوني
عايزين تلوموني، لوموا الوطــــن اللى تـاه بيا

**على قابيل** · 14-05-2013, 21:48

اتوة فى الزحمة والقاني فى سكة حزن وخداني
احاول اني ارجعلك، اتـــوه فى الزحمة من تاني
انا رافض اعيش فيكي ، وفيكي بعشقك وبموت
فماتحاوليش ياست الحسن، عزة نفسي منعاني

**على قابيل** · 14-05-2013, 22:06

يارب لاجل النبي زيد الأمـــــــل فينا
وافتح بيبان رحمتك وبكرمك اروينا
انت اللى عدل وسلام يــارب ياحنَّان
افتح دروب السمـا واقبلنا وارضينا

**على قابيل** · 27-05-2013, 18:13

اقول قلبــــي يقول قلبي أنا.. وابكي
وروحـــي تزيد بكـاها وهي مابتبكي
احترت اكتب انا اللى فـ سكتي مكتوب
تبكي قلوبنا، وروحنا يا أنــــــا ابكي

رباعيات شاعر عامي

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث