تويت
زعلانه منك
عارف ليه.. زعلانه منك
علشان حبي .. أكبر منك
وإنت عندي كل الحياة
وصعب إني استغنى عنك
الغلطة منك .. ولو بسيطة
بتبكي عيني .. بتهدني
ومهما أعمل جامدة وعبيطة
حبي ليك .. بيذليني
لوكنت فعلاً .. بتحبني
وأهمك زي .. ما تهمني
أرجوك تحافظ على دمعتي
ومن أي آه تشدني
عارف لما بتيجي علية
بنسى حياتي وبنسى الدنيا
وبنسى بجرحك كل جراحي
علشان جرحك أقوى علية
مش معقول كل دة يرضيك
تجرح قلب إتعلق بيك
ومش معقول إني إتغشيت
وقلبي خدعني يا روحي فيك
حزني كل الناس لمحوه
وحتى الدمع الكل شافوه
وقلبك هو كمان عنواني
ارجع ليه قبل ما أتوه
إنت حبيبي اللي معذبني
وبعدك عني يا روحي تعبني
ورغم إن أنا منك زعلانة
أرفض إنك لحظة تسبني
وليد الوصيف
تعليق