تويت
اتقي شر الشبهات
أمانه عليك يا صالح
تفكك م المصالح
وتشوف في أيه الصالح
وتبطل كروع كاسات
وإن كنت بجد أمين
وفاهم أوي في الدين
ابعد عن الملاعين
واتقي شر الشبهات
بطل لف ودوران
روح بيع الأمريكان
وحماس وكمان إيران
مش ناقصين متاهات
كفاية عليك بديع
إنسان بجد فظيع
حطك في وضع وضيع
وما فيش عندك خيارات
لفيت بلاد الكون
عملت لينا ديون
بددت في المخزون
ودي طبعاً إنجازات
نصبت وزير إعلام
بزني بالكلام
نفسه يصور أفلام
يعرضها في السينمات
طالبنا بالتغير
قصدين نفس الوزير
ردت قولت الوزير
بنهي في مُهمات
وعملت تعديل وزاري
شتت به أفكاري
كفاية لعب أتاري
شبعنا مُسكنات
ولأدك أمريكان
ولائك للإخوان
دليل على إن زمان
كلامك كان شعارات
صلي صلاة استخارة
ابحث عن أي إشارة
أكيد ها تشوف أمارة
تصورك الأزمات
وسيبك م العريان
والبلتاجي كمان
والأخ عصام سلطان
مش عايزين عصابات
حب الليل ع النيل
ساهم في طموح الجيل
ازرع في بلدنا جِميل
واطرد منها الحشرات
حب الأرض وصالح روحك
فكر في اللي ها ياخد روحك
يوم العرض ها يزيد نوحك
وصعب بديع يعطيك حَسنات
وليد الوصيف
تعليق