تويت
أغنية من غير عزف !!
***************
الشمس بتفرش السما بيصحى ويغسل وشه وينزل يتفرج على الصبح ع النيل،مش صياد لكن بيستمتع بالحوار مع الصيادين اللى سهرانين طول الليل يصطادوا بيعزم عليهم بأخر سجارة عزومة مركبية،وبيودعهم كعادته فى كل صباح لكن النهاردة كان التوديع مختلف،وطلع فوق السور،حاولوا يمنعوه مش خوف على حياته ولكن عشان السمك ميهربش،رقص على السور ومنطش عشان خاف لأحسن صنارات الصيادين ترجعه تانى للدنيا،ضحك وضحكوا معاه نزل عزموه على سندوتش فلافل وشاى وسجاير بجد مش عزومة مركبية ،والشمس غطت السما،والصيد مينفعش فى وضح النهار قاموا ودعوه وودعهم ومرجعش تانى للسور لكن أتمشى يدور فى الشوارع على الضحك ولما تعب من اللف طلع ع القهوة وهناك غنى من غير عود من غير جيتار من غير ألالات عزف ،بس غنى أغانى جميلة،وأصحابة زى ما تعود يقول على كل الناس أصحابة أنبسطوا فعزموه على غدا وسجاير وشاى،ولما الليل دخل فى الغميق قام رجع لأوضتة يألف أغانى جميلة من غير عود من غير جيتار من غير ألالات موسيقية وزى كل يوم كان فى نيتة الأنتحار الصبح أو أنه يغنى للسعادة فوق سور الحياة لحد الموت !!
***************
الشمس بتفرش السما بيصحى ويغسل وشه وينزل يتفرج على الصبح ع النيل،مش صياد لكن بيستمتع بالحوار مع الصيادين اللى سهرانين طول الليل يصطادوا بيعزم عليهم بأخر سجارة عزومة مركبية،وبيودعهم كعادته فى كل صباح لكن النهاردة كان التوديع مختلف،وطلع فوق السور،حاولوا يمنعوه مش خوف على حياته ولكن عشان السمك ميهربش،رقص على السور ومنطش عشان خاف لأحسن صنارات الصيادين ترجعه تانى للدنيا،ضحك وضحكوا معاه نزل عزموه على سندوتش فلافل وشاى وسجاير بجد مش عزومة مركبية ،والشمس غطت السما،والصيد مينفعش فى وضح النهار قاموا ودعوه وودعهم ومرجعش تانى للسور لكن أتمشى يدور فى الشوارع على الضحك ولما تعب من اللف طلع ع القهوة وهناك غنى من غير عود من غير جيتار من غير ألالات عزف ،بس غنى أغانى جميلة،وأصحابة زى ما تعود يقول على كل الناس أصحابة أنبسطوا فعزموه على غدا وسجاير وشاى،ولما الليل دخل فى الغميق قام رجع لأوضتة يألف أغانى جميلة من غير عود من غير جيتار من غير ألالات موسيقية وزى كل يوم كان فى نيتة الأنتحار الصبح أو أنه يغنى للسعادة فوق سور الحياة لحد الموت !!
تعليق