تويت
وقفت
والنظر طال وبرقق
لقيت النيل حبيبى
بيبكى
والدمع من عينه بيجرى
ملا الصحارى والوديان
حطيت إيدى
على خدى
ورفعت إيدى أدعى وألبى
وأقول يارب
قلبى
أبوى
أمى
هوه حياتى
ونور عينى
يارب نجى
* * *
بت زعلان
علشان مش قادر أنام
وتحت الضلوع بركان
فين رجليه
ولا إيديه
قلت أعوذ بالله
ده نيل السلام
ولا بركان
طارقلبى من صدرى حمام
وقلى صاحبك مش تمام
إمكن يكون محسود
أو عاملين له عمل
على قرموط
سميت بإسم الله
وقلت يا شافى القلوب
ومفرج الكروب
وقريت آية الكرسى
ويسن والجن
واحد وعشرين
والزلزلة علشان أشتت بيها العين
وختمت بالموعوذتين
وقلت مصروف بإذن الله
إن كنت جن أوعين
وصليت على المختار
فوق السبعين
وإستحضرت اليقين
بالله العظيم
لقيته فى الحال
خلا منه الأنين
وفايق بدون توهان
ولا سد قدامه يعوقه
ولا جوه بطنه بركان
لكن الشهقة طلعت منه بوجر
وأول كلام قاله كان حسد
وأحتفظ بالكرسى جواه
أمكن تكون العين
فى الجسد
أو جن راح جواه
تعليق