تويت
يا منوره الدنيا يا أمى
للشاعر المصرى شوقى غنيم
*************************
يا منوره الدنيا وعايشه معاكى فى دنيا تانيه
دنيا ألحب والحنان
فى صدرك تدفينى وعنيكى ما بتفارق عينى
وحاسه معاكى بالأمان
وشهور بتحملينى ومن صدرك بتروينى
لما تحسى انى عطشان
واما كبرت شويه بتأكلينى ومن ايديكى الحلوه بتدينى
لما تحسى انى جعان
وويا لعبتى تشاركينى وفى حضنك الدافى بتنيمينى
وتحكيلى حكايات زمان
واما أنام حتى فى أحلامى بتجينى موش قادره تفارقينى
أصلك انتى الرحمه من الرحمن
يا أمى يا الننى جوه فى عيونى لو أى شيئ فى ألدنيا بيخيرونى
أقول انتى يا أمى اللى فى الوجدان
واما كبرت وفى المدرسه رحت كنت فى عنيكى لسه صغيره
ومن المدرسه ومنكى اتعلمت أمشى فى طريقى ذى المسطره
وكتاب ألله بفضلك انتى حفظت ودنيتى بقت بيكى منوره
وممشتشى على كيفى وانحرفت وقلت أنا حره ومتحرره
وبالزي الشرعى التزمت ونفسى بالايمان متعمره
وحافظت على صلاتى وقيام الليل وباسم الله مسبحه ومكبره
وبفضلك يا أمى اتعلمت علشان انتى مدرسه مصغره
وأدينى كبرت وانتى كبرتى ولسه بتقوليلى يا صغيرتى
ألأم
وعلشان مانتى اتجوزتى يا بنتى وعنى بعدتى واتغربتى
تبقى انتهت معاكى حكايتى
عارفه يا أمى دى من تانى بدايتى
بسى يا أمى دا كفايه عليكى يا ما صبرتى واتحملتى
وكنت فاكره لما اتجوزت كدا يا أمى ارتحتى
لسه يا أمى حامله همى رغم سعادتى ما اتغيرتى
ولا ليله فيها نمتى الا يا أمى عليّه سألتى
ارتاحى يا أمى أنا خلاص ارتحت
نامى يا أمى أنا فى حنانك نمت
نامى يا أمى أنا فى حضنك نمت
********
للشاعر المصرى شوقى غنيم
*************************
يا منوره الدنيا وعايشه معاكى فى دنيا تانيه
دنيا ألحب والحنان
فى صدرك تدفينى وعنيكى ما بتفارق عينى
وحاسه معاكى بالأمان
وشهور بتحملينى ومن صدرك بتروينى
لما تحسى انى عطشان
واما كبرت شويه بتأكلينى ومن ايديكى الحلوه بتدينى
لما تحسى انى جعان
وويا لعبتى تشاركينى وفى حضنك الدافى بتنيمينى
وتحكيلى حكايات زمان
واما أنام حتى فى أحلامى بتجينى موش قادره تفارقينى
أصلك انتى الرحمه من الرحمن
يا أمى يا الننى جوه فى عيونى لو أى شيئ فى ألدنيا بيخيرونى
أقول انتى يا أمى اللى فى الوجدان
واما كبرت وفى المدرسه رحت كنت فى عنيكى لسه صغيره
ومن المدرسه ومنكى اتعلمت أمشى فى طريقى ذى المسطره
وكتاب ألله بفضلك انتى حفظت ودنيتى بقت بيكى منوره
وممشتشى على كيفى وانحرفت وقلت أنا حره ومتحرره
وبالزي الشرعى التزمت ونفسى بالايمان متعمره
وحافظت على صلاتى وقيام الليل وباسم الله مسبحه ومكبره
وبفضلك يا أمى اتعلمت علشان انتى مدرسه مصغره
وأدينى كبرت وانتى كبرتى ولسه بتقوليلى يا صغيرتى
ألأم
وعلشان مانتى اتجوزتى يا بنتى وعنى بعدتى واتغربتى
تبقى انتهت معاكى حكايتى
عارفه يا أمى دى من تانى بدايتى
بسى يا أمى دا كفايه عليكى يا ما صبرتى واتحملتى
وكنت فاكره لما اتجوزت كدا يا أمى ارتحتى
لسه يا أمى حامله همى رغم سعادتى ما اتغيرتى
ولا ليله فيها نمتى الا يا أمى عليّه سألتى
ارتاحى يا أمى أنا خلاص ارتحت
نامى يا أمى أنا فى حنانك نمت
نامى يا أمى أنا فى حضنك نمت
********
تعليق