تويت
امسك حرامى
إنت يا فاطمة .. واد يا قناوى
أنت يا بطرس يا محلاوى
غتنى يا مينا وحوش ويايا
امسك حرامى
إلحق بسرعة وامسك حرامى
خد منى عمرى كل قوت عيالى
قطع هدومى غيرلى حالى
حرم عليا حتى حلالى
سرق فلوسى
ضيع أمالى
وأنا كنت عامله عمى وخالى
وبالأونطة شاغلى بالى
بالفكر سهرنى ليالى
وبسببه عندى الضغط عالى
وعلاج ضرورى والسعر غالى
وعيال بتمرض وعيال تلالى
كتر ديونى والهم جالى
أما الوظايف كان شئ خيالى
وهو عايش ولا يبالى
دلوقتى يالله خدولى تارى
حاكموا اللى خانى ودمر عيالى
عمرى ما حنسى اللى جرالى
غير لما أشوفه واقف قبالى
ويحاكمه قاضى ما هوش ضلالى
من غير مماطلة
ويكون مثالى يصلحلى حالى ويجيبلى مالى
قاضى .. قاضى يجيبلى حق عيالى
من اللى كان سبب ازلالى
امسك حرامى
حمدى عاصم
[youtube]pLmI7jdih_U[/youtube]