تويت
مْشَا لَعْمَر
مْشَا لَعْمَر
********
وآهْ وآهْ
على اللِّي بْغاه مُولاَه
كيفْ يتْمنَّّع عْلى ملْقاه
بعد السَّرحة
بعد لْفرحة ولْقرحة
فين هْروبو عَلّْ الذَّبحة
شْكُون يْذارِيه
وينْ ممْشَاه
وآه وآه
ايْلا وْصلُّو لْغَاهْ
سْفينْتُو مايْهزّْهَا بْحَر
ظْلامُو مايْضوِّيه قْمَر
منْ بعْد الصّْغُرْ
طاحْ الثَّلْج عَلْ الشّْعَر
تْقوَّسْ الظّْهَرْ
الجَّلْد تْكرَّشْ
وَتْكمَّشْ
والجَّهْد بَانْ فيهْ لْغشّْ
مْشَا لَعْمَر
وَتْعرْبنْ لقْبرْ
ومْع ليَّام كُولْشِي ينْسَاه
وآهْ وآهْ
ماخْذا غِ فعْلُو مْعَاه
وْشيِ دعْوَاتْ تَابْعَاه
*********
المريني ادريس
القصر الكبير بتاريخ : 27 / 08 / 2013
********
وآهْ وآهْ
على اللِّي بْغاه مُولاَه
كيفْ يتْمنَّّع عْلى ملْقاه
بعد السَّرحة
بعد لْفرحة ولْقرحة
فين هْروبو عَلّْ الذَّبحة
شْكُون يْذارِيه
وينْ ممْشَاه
وآه وآه
ايْلا وْصلُّو لْغَاهْ
سْفينْتُو مايْهزّْهَا بْحَر
ظْلامُو مايْضوِّيه قْمَر
منْ بعْد الصّْغُرْ
طاحْ الثَّلْج عَلْ الشّْعَر
تْقوَّسْ الظّْهَرْ
الجَّلْد تْكرَّشْ
وَتْكمَّشْ
والجَّهْد بَانْ فيهْ لْغشّْ
مْشَا لَعْمَر
وَتْعرْبنْ لقْبرْ
ومْع ليَّام كُولْشِي ينْسَاه
وآهْ وآهْ
ماخْذا غِ فعْلُو مْعَاه
وْشيِ دعْوَاتْ تَابْعَاه
*********
المريني ادريس
القصر الكبير بتاريخ : 27 / 08 / 2013
تعليق