الحرف

عبد العالي الوالي

شاعر

تاريخ التسجيل: 20-05-2013

المشاركات: 48
- مشاركة
- تويت
#1

الحرف

01-09-2013, 10:42

الحرف

"اكتب اكتب اكتب
راه دخول الحرف
ماشي بحال خروجو..."
الراشق ما راشقة ليه
دخلت وصبت راسي
فدنيا جديدة
بنيانها غريب
نسكنت سكنة شديدة
مانفع فيها
فقيه ولاطبيب
سببت وبخرت
سكنة هادي فريدة
هايم وحداني
وليت فيها غريب
الحرف فجوفي
كدام عينيا
على طرف لساني
ولالي عادة
سرو مخفي
ضارباه جنية
همي وتشطاني
راسي كره لوسادة
تزلع لمنام على سوايع الليل
والحرف لبيب
لونو ضاوي
مرة شمعة
مرة قنديل
مرة كمرة
تبيض الليل
خيرت حروف
وبنيت منها كلمات
سطور مغنية
غاية وحكايات
نرويها للصغار أو الكبار
نحكي على الحالة
واقفة مدبالة
نحكي على العيشة
المال هبل الناس
رجع شيطان يجري
فعروق الراس
الحرف ...
الحرف غناية المسكين
بيه يرسم يامو
فرحو وحزانو
ينشد ..ينشد ..
فكل مكان غناية
فكل زمان غناية
فالهن غناية
فالمحنة غناية
الحرف ...
الحرف يافرحي وياسعدي
الحرف مزيود
الحرف نتهجاه
الحرف صبي
بالحق كبرناه
عط كلمة
عط كلام
الحرف باقي على الدوام
الحرف مزينها عشبة
جرب ليوم
جرب غدا
الحرف فالعقل نشبة
يحل يزيان
بلون الكيسان
نشرب ..نشرب ..
بلا قياس
نكتب ..نكتب..
نبني لساس
لكل قصيدة تنبت فالراس
والبنيان صعيب
والراشي ما يسواش
بديت بنياني
وسط الديور العالية
لازملو اللساس
تكون العيشة فيه هانية
نعلي غير بالقياس
الحيوط الراشية
ديما فانية
كالورق فالخريف ينساس
بديت بنياني
وكلامي مانديرلو عكار
ما نزيدو نغمة وتار
نسقيه بالمعنى
ونقيسو ع الحرف الصافي
الكلاو غي الحلو منو نختار
نطرزو بيديا
ونرشمو بسرار
نزيدو ملوحة
وخيار الكلام
غير إلى يكون وافي
نكتب ..نكتب ..
نبني لساس
لكل قصيدة تنبت فالراس
والبنيان صعيب
والراشي ما يسواش
عبدالعالي الوالي ميسور المغرب 2013/04

علقت لرياح فباب الكلام
صاطت الهوى دافي
والكلام رويتو على جناح لحمام
يوصل لأهلو وزان وقوافي
لكل واحد مني يبلغ سلام
فيه نغمة من النوع الصافي
كل واحد عندي ليه مقام
عطيت العاهد للخاوة ما نحافي
الكلمات الدلالية (Tags): لا يوجد

الحرف

ما الذي يحدث